اسلام امیرلیگی تشقی ایشلر وزیرلیگی، افغانستان رواجلنیشی و قیتهقوریلیش جریانیده سیاسی قتلم اورنیگه تاکیدلب و ایتیشچه، سیاسی فعاللری اسلامی ارزشلرنی اسرش، ملی منفعتلرنی حمایه قیلیش و اهالیگه خذمت قیلیش آرقهلی، مملکت ترقیاتی اوچون ینگی امکانیتلرنی یرهته آلهدیلر.
تشقی ایشلر وزیرلیگینینگ معلومات و عامه علاقهلر باشلیغی ضیااحمد تکل، بوگون (۳۰-سرطان/ ۲۱-جولای، سهشنبه)، اکس صحیفهسیده یازیشیچه، افغانستان ییللر اوروش و قیینچیلیکلردن کیین، حاضر قیته قوریلیش، برقرارلیک و ترقیات سری ینگی آدیملرنی آلگن دیر.
شونینگدیک تشقی ایشلر وزیرلیگینینگ معلومات و عامه علاقهلر باشلیغی، خلقارا سطحده افغانستاندن ایجابی بیر تصویرنی کورسهتیش، ملی بیردملیکنی کوچلنتیریش، ملی منفعتلرنی اسرش، اهالیگه خذمت قیلیش و بیلیم همده مهارتنی کوچهیتیریشنینگ بو مملکت اوچون یخشی کیلهجک قوریلیشیده فایدهلی عامللردن عنوان قیلگن.
او یاشلردن همکارلیک، اوز ارا حرمت و یخشی فکرگه تیهنیب، افغانستان نی قیته تیکلش جریانیگه حصه قوشیشلرینی ایستهگن.
تکل گه کوره، حاضر هر بیر کیشی تخصص، قلم، فکر و عملی فعالیتلر بیلن افغانستان آبادانچیلیگیگه حصه قوشه آلهدی.
اسلام امیرلیگی رسمیلری بوندن آلدین هم، یاشلر و جمعیتنینگ تورلی قتلملریدن علمی، اقتصادی و اجتماعی فعالیتلرگه شرکت قیلیش آرقهلی افغانستان رواجلنیشی و آبادانچلیگی جریانیگه رول اوینهشلرینی سورهگن دیر.
