«افغان عیاللر اوچون عیاللر» غیردولتی موسسه‌سی نینگ زوروانلیکلردن زیان کورگن عیاللر و ایشلاوچیلری، اوشبو موسسه نینگ فعالیتی توخته‌گنی و تقدیرسیز بیرحالت‌ده قرار تاپگنلریدن شکایت قیله‌دیلر. «افغان عیاللر اوچون عیاللر» موسسه‌سی نینگ حمایتی مرکزلریده‌گی سقلنه‌دیگن عیاللردن قطاری، بوگون کابل‌ده یولگه قویلگن بیر اعتراض‌ده ایتیش‌لریچه، اسلامی امارت نینگ حاکمیتی بیلن، اوشبو موسسه اجرایی مسئوللری مملکت نی ترک قیلیب و زوروانلیکدن زیان کورگن عیاللر نی ناچار و مسئولیت‌سیز بیر شکلده تشلب کیتگنلر.
بیزلرنینگ فیسبوک صحیفه‌میزگه باش اورینگ!
اولر گه کوره، زورانلیکلردن زیان کورگن عیاللر جسمی و روحی آزاد و اذیت‌ده قرار تاپگنلر و شونینگدیک اولردن بیر قطاری ایسه اولدیریلگن. بو توغریده معترض عیاللردن بیری مژگان نینگ ایتیشیچه: «بیزلر نی او ییردن مجبور بیر شکلده چیقردیلر، بوتون کیشی هیچ بیر ییری یوقلیگی نی ایته‌ر ایدی. نهاد مسئوللری هیچ بیر ایش قیله آلمه‌یمیز جانیمیز خطرده دیدیلر. بیزلر سرکلرده قالدیک، عایله‌سیدن قورقینچی بولگن کیشیلر هم قیته عایله‌لری گه تسلیم بولدیلر. ایش هم یوق. بیزلر نینگ تینچ اویی‌ده حیات کیچیرگنیمیز اوچون بو کیشیلر نیمه گه جماعه‌ده دیب حقارت کوز بیلن کوره‌دیلر.»
بو توغریده اعتراض قیلووچیلردن باشقه بیری ملالی نینگ ایتیشیچه: «حیات‌لری نی قولدن بیرگن بعضی کیشی‌لردن هم خبریمیز بار. بونگه علاوه، ایشلاوچیلر نینگ حقوقی هم توللنمه‌گن.» شونینگدیک بوتوغریده اعتراص قیلووچیلردن باشقه بیری زرغونه نینگ ایتیشیچه: «مملکت‌ده سونگی اوزگریشلردن کیین، اوشبو دفتر مسئوللری عایله‌لری بیلن مملکت نی ترک قیلیب و تشقی مملکت گه کیتگنلر. اولر اوزلری و عایله‌لریدن حفاظت قیلیش اوچون عیاللر و باله‌لر خصوصیده‌گی مسئولیت‌لری نی ادا قیلمه‌ی کیتگنلر.»
بیزلرنینگ توییترده هم تعقیب قیلینگ!
زوروانلیکدن زیان کورگن عیاللر نینگ ادعا قیلیش‌لریچه، «افغان عیاللر اوچون عیاللر» موسسه مسئوللری، زوروانلیکلردن زیان کورگن عیاللر گه بیریلشی اوچون آمریکا تامانیدن اولر گه یاردم بیریلگن ۱۱ میلیون دالر نی اوشبو نهاد، عیاللر و ایشلاوچیلر نینگ اختیاری گه قرار بیرمه‌یدی. باشقه بیر تامان‌دن، «افغان عیاللر اوچون عیاللر» موسسه ایشلاوچیلری اوشبو موسسه اجرایی رئیسی نینگ ایشلریدن تنقید قیلیب و ایتیش‌لریچه، اولر نینگ حق و امتیازلری حیف و میل بولیب و بو اولر نینگ تورلی قیین‌چیلیکلر برابریده زیان کوریشلری نی کوپه‌یتیرگن.»
ایشلاوچیلردن بیری محمد نینگ ایتیشیچه: «بیزلر نینگ‌حقلریمیز توللنمه‌گن، بیزلر نی اونوتوتیب و ارتباطی یوللر باغلنگن. بیر قطاریمیزده اویی یوقلیگی باعث، پارکلرده حیات کیچیره‌دی و نفقه تاپیش اوچون تیلنچ‌لیک قیلیش گه مجبور دیر.» شونده‌ی بیرحالده، مملکت‌ده اسلامی امارت نینگ قدرت گه ایریشگنی بیلن، عیال حقوقیدن حمایت قیلووچی نهادلردن قطاری باغلنگن و ۸ آی‌دن کوپراق اوتیشی بیلن، اولر نینگ فعالیتی قیته باشلنمه‌گن. شونینگدیک گزارشلر گه کوره، عیاللردن حمایت قیلووچی نهادلر نینگ یوقلیگی، عیاللر گه قرشی زوروانلیکلر نینگ کوپه‌یتیشی سبب بولگن.
