سلام افغانستان میدیا مؤسسه‌سی (سلام‌وطندار رادیوسی) اوشبو ییل نینگ ثور و جوزا آی‌لریده مملکت‌ده‌گی تحصیلی وضعیت خصوصیده بیر تیکشیرو اوتکزگن. مذکور تیکشیرو اساسیده، کابل، هرات، بلخ، قندهار و ننگرهار ولایت‌لریده‌گی خصوصی و دولتی بیلیم یوردت‌لرده ۲۷۵ قیز و ایرکک ییگیت طلبه‌لر بیلن صحبت اوتکزیلدی که اولردن ۷۳ فایزی درسی علاقه‌لری کمه‌یگنی یا-ده درس خصوصیده‌گی علاقه‌سیز بولگنلری نی ایتگنلر.
طلبه‌لر آره‌سیدن ۷۵ فایزی ایش کیله‌جگی خصوصیده امید‌لری کمه‌یگنی و امید‌سیز بولگنلری نی ایته‌دیلر. مذکور تیکشیرو ده ۴۷ فایز قیز طلبه‌لر و ۵۳ فایز ییگیت طلبه‌لری بیلن مصاحبه بولگن و شونینگدیک ۵۷ فایز دولتی بیلیم یورت طلبه‌لری و ۴۳ فایز خصوصی بیلیم یورت طلبه‌لری بیلن مصاحبه اوتکزیلگن.
خصوصی بیلیم یورت‌لرنینگ مسئوللری طلبه‌لر آره‌سیده درسی علاقه کمه‌یگنی و داوطلب‌لر رقمی کمه‌یشینی تصدیقله‌یدیلر و اولر حکومت دن مملکت نینگ تحصیلی نظامی گه وضعیتی گه جدی دقت قیلیش‌نی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، اوشبو تیکشیرو ده اوقیتووچیلردن ۳۸ فایزی ایتگن که، اسلامی امارت نینگ قدرت گه ایریشگنیدن کیین، اوقیتووچیلردن ۶۳ فایزی نینگ تحقیق و ماده تیارلش خصوصیده علاقه‌سی کمه‌یگن و یا هم بوتونلی اورته‌دن کیتگن.
شونینگدیک اوقیتووچیلردن ۷۴ فایزی درسی ماده‌لر نینگ تیارلش و تحقیق قیلیش خصوصیده فرصت کم بولگنی یا-ده اورته‌دن کیتگنی نی معلوم قیلگن.
درس خصوصیده طلبه‌لر علاقه‌سی؛ اوقیتووچیلردن ۸۲ فایزی طلبه‌لری نینگ درس خصوصیده‌گی علاقه‌سی کمه‌یگنینی ایتگن و اولردن ۱۶ فایزی ایسه طلبه‌لری نینگ هیچ علاقه‌سی قالمه‌گنی نی بیلدیرگن.
شونینگدیک، اوقیتووچیلردن ۷۱ فایزی ایتگن که، درس اوقیش و طلبه‌لر نینگ صنف گه باریشلری میزانی کمه‌یگن و اولردن ۱۰ فایزی ایتگن که، مملکت‌ده یوز بیرگن سونگی اوزگریشلردن کیین، طلبه‌لر نینگ اصلا درس گه علاقه‌سی قالمه‌گن.
شونده‌ی بیرحالده، خصوصی بیلیم یورت‌لر مسئوللری و اوقیتووچیلریدن بیر قطاری تحصیل و ایش کیله‌جگی خصوصیده درسی و امیدوارلیک میزانی کمه‌یگنی نی تصدیق قیلگن.
سلام خصوصی بیلیم یورتی نینگ علمی اورین‌باسری ابوبکر مدقق نینگ ایتیشیچه: «وضعیت نورمال ایمس، نهادیمیز گه آغیر زیان ییتیشگن. اهالی حاضرگی وضعیت دن خواطر ده و شونینگدیک طلبه‌لریمیز نینگ سانی هم کمه‌یگن.»
شونینگدیک باختر خصوصی بیلیم یورتی نینگ اورین‌باسری بهیر زلاند نینگ سلام‌وطندار گه ایتیشیچه: «امید‌سیزلیک کوپه‌یگن، طلبه‌لر نینگ تشویق و ذهنیت‌لری نینگ توزه‌تیش اوچون ایشله‌یمیز. طلبه‌لریمیز نینگ سانی کمه‌یگن بیزلر هم ۵۰ فایز فیس نی کمه‌یتیرگن‌میز.»
کابل دولتی بیلیم یورت اوقیتووچیلریدن استاد شریفی نینگ ایشانچی گه کوره، اقتصادی و امنیتی وضعیت طلبه‌لر نینگ درسی علاقه‌سی و اوقیتووچیلر نینگ درس بیریش علاقه‌سی گه سلبی تاثیر قوییگن.
اونینگ سلام‌وطندار گه ایتیشیچه: «اقتصادی، امنیتی و تقدیرسیزلیک سبب، طلبه‌لر نینگ درسی علاقه‌سی کمه‌یگن دیر. گرچند بو قیین‌چیلیک اوتمیش‌ده هم بار ایدی لیکن حاضر کوپه‌یگن و فارغ بولیشدن کیین تقدیرلری اولر نینگ علاقه‌سیز قیلگن. اقتصادی و امنیتی شرایط اوقیتووچیلر گه تاثیر قیلگن و شونینگدیک اوقیتووچیلردن قطاری نینگ مملکت نی ترک ایتیشی هم اولرنی درس بیریش خصوصیده علاقه‌سیز قیلگن.»
بوتوغریده کابل پل‌تخنیک بیلیم یورت طلبه‌لریدن سیمانه سحر محمدی نینگ ایتیشیچه: «بیر هفته‌ده اوچ کون بیلیم یورت گه باره‌میز. بو وضعیت بیلن قنده‌ی درس گه علاقه تاپیلسین و شونینگدیک بیلیم یورت گه کیریش جریانیده بیز بیلن یخشی یولباریلمه‌یدی. اقتصادی وضعیت هم بو توغریده تاثیری بار که بولردن برچه‌سی درس اوقیش خصوصیده طلبه‌لر گه زیان ییتیشتیرگن.»
بیزلرنینگ توییترده هم تعقیب قیلینگ!
عین حالده، عالی اوقوو وزیرلیگی مسئوللری مملکت‌ده یوز بیرگن اوزگریشلر نینگ اوشبو وضعیت گه سبب بولگن نی بیان قیلیب و مملکت‌ده تحصیلی پروسه نینگ نورمال قیلیش اوچون سعی و حرکت بولگنیدن خبر بیرگن.
عالی اوقوو وزیرلیگی نینگ علمی معینی سرپرستی سید اسماعیل روحانی نینگ سلام‌وطندار گه ایتیشیچه: «بیر ییریم ییل‌گچه مملکت‌ده تحصیلی سیستم نینگ توزه‌لیشی ممکن و علاقه‌مندلیک هم یخشی‌لنماقده. شونینگدیک ۱۶ یا-ده ۱۷ بیلیم یورت‌ده ماستری برنامه‌لر هم یولگه قوییلگن و بیلیم یورت‌لرده ینگی فاکولته‌لر هم ایجاد بولماقده.»
اسلامی امارت نینگ قدرت گه ایریشگنی، مملکت نینگ بوتون بولیم‌لری گه تاثیر قویگن که اوشبو اوزگریشلر جریانیده اکادیمیک کدرلر نینگ مملکت‌دن کیتگنی مملکت نینگ تحصیل و تعلیمی خصوصیده اینگ یامان زیان ییتیشتیرگن و بو بولیم‌لر نی اینگ بویوک زیان بیلن روپه‌ره قیلگن.
