عالی اوقوو وزیرلیگی اوتگن کون بیر اطلاعیه ترقه‌تیش بیلن، اوشبو وزیرلیک رهبریتی نینگ قراری اساسیده، ۱۵-حوت مملکت نینگ ساووق منطقه‌لریده ایرکک طلبه‌لر یوزی گه بیلیم یورت‌لر نینگ آچیلیشی نی بیان قیلگن.
شونده‌ی بیرحالده، قیز طلبه‌لردن قطاری نینگ سلام‌وطندار گه ایتیش‌لریچه، قیزلر گه تعلیم اوچون رخصت بیریلمه‌یشی، میلیون‌لرچه قیز نینگ کیله‌جگی و تقدیری بیلن اوینه‌ش دیر. کابل بیلیم یورت طلبه‌سی باران سادات نینگ ایتیشیچه، قیز طلبه‌لر برابریده اسلام امیرلیگی نینگ رفتاری، جماعه‌ده عیال‌لر حضوری نینگ کم‌رنگ بولیشی خصوصیده بیر بهانه دیر.
بیزلرنینگ توییترده هم تعقیب قیلینگ!
مذکور طلبه نینگ کوپه‌یتیریشیچه: «قیزلر گه یره‌تیلگن برچه قانون-قاعده‌نی رعایت قیلدیک. بیرینچی‌ده حجاب قیلینگ دیدیلر، بیزلر اوتگن ییل‌لر هم حجاب قیله‌ر ایدیک؛ بیراق ینه هم باش‌دن ایاغ گه قدر قاره کییم کیدیک. کیین ایسه قیزلر و ایرکک طلبه‌لر نینگ درسی تایمی اَیری بولیسین دیدلر، ینه هم قبول قیلدیک. بیلمه‌یمن ینه نیمه قیین‌چیلیک بار که بهانه آختره‌دیلر.»
شونینگدیک کابل شهریده خصوصی بیلیم یورت‌ده تحصیل کوره‌دیگن طلبه‌لردن مریم احمدی نینگ ایتیشیچه، قیزلر نی تعلیمی نینگ توخته‌تیلیشی، ییل‌لردن بیری ایسته‌کلری گه ییتیشیش اوچون سعی و حرکت قیلگن قیزلر نینگ روحیه و انگیزه‌سی خصوصیده جدی زیان دیر.
شونده‌ی بیرحالده، طلبه‌لردن باشقه بیری صدف اسلام امیرلیگی برابریده دنیا جماعه نینگ رفتاریدن تنقید‌لب و ایتیشیچه، دنیا جماعه‌سی عیال‌لر نینگ بیلیم یورت گه باریشی خصوصیده کیره‌کلی باسیم‌لر نی انجام بیرمه‌گن.
اونینگ کوپه‌یتیرشیچه: «دنیا جماعه قیزلر اوچون شرایط نی اوزگرتیره آلمه‌یدی. اوتگن ایکی ییل‌ده اسلام امیرلیگی نینگ رفتاری نی اوزگرتیریش اوچون اوشبو نهاد نینگ سعی و حرکتی هیچ قنده‌ی تاثیری یوق ایدی.»
بیزلرنینگ فیسبوک صحیفه‌میزگه باش اورینگ!
عین حالده، جاری ییل ۲۹-قوس عالی اوقوو وزیرلیگی بیر مکتوب آرقه‌لی، برچه دولتی و خصوصی بیلیم یورت‌لر گه قیزلر تعیلمی نینگ کیین‌گی امر‌گچه تعلیق شکلده توخته‌تیلیشی نی بیان قیلگن ایدی که، اوشبو قرار کوپینچه ملی و خلق‌ارا عکس‌العمل‌لر بیلن روپه‌ره بولگن.
