طالبان گروهی افغانستان‌نی کامل صورتده تصرف قیلگنیدن سونگ، اوتگن هفته “سه‌شنبه” کونی اوز حکومت‌لری نینگ کابینه‌سینی اعلان قیلدی، لیکن مذکور کابینه هرتامانلمه بولمه‌گنی باعث، منطقه و دنیا مملکت‌لری نینگ جدی واکنش‌لری بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان‌لرنینگ ایتیش‌لریچه، طالبان گروهی حاضرگه‌قدر حکومت‌لری نینگ رسمیت‌گه تانیلیشی خصوصیده خلق ارا جماعه‌سی نینگ شرط‌لرینی ییریگه کیلتیرمه‌گن و کیله‌جک‌لرده طالبان تامانیدن عمل‌گه آشیریلمه‌یشی ممکن.
سیاسی ایش بیلرمانلردن بیری مصطفی علی‌زاده نینگ ایتیشیچه، طالبان گروهی اوز تعهدلریگه عمل قیلمه‌گن صورتده، حکومت‌لری رسمیت‌گه تانیلمه‌یدی و نتیجه‌ده افغانستان سیاسی و اقتصادی قیین‌چیلیک بیلن روپه‌ره بولیب و ایچکی اوروش باشله‌نیشی ممکن.
سیاسی ایش بیلرمانلردن باشقه بیری اکرم عارفی نینگ ایتیشیچه، دیپلماتیک رابطه یوق‌لیگی و طالبان حکومتی‌گه قرشی تحریم‌لر کوپه‌یگن صورتده، افغانستان چیت‌گه قالیب و مملکت قیین‌چیلیکلرنی کوپه‌یشی ممکن.
بیزلرنینگ فیسبوک صحیفه‌میزگه باش اورینگ!
افغانستان نینگ طالبان قولیگه سقوط قیلگنیدن کمیده ۱ آی اوتماقده، لیکن حاضرگه‌قدر منطقه و دنیا مملکت‌لریدن هیچ‌بیری طالبان حکومتی‌نی رسمیت‌گه تانیمه‌گن و طالبان تامانیدن اعلان ایتیلگن کابینه هم تک قوم‌لیک و انحصارگرلیک سبب، خلق ارا جماعه‌سی نینگ سلبی واکنش‌لری بیلن روپه‌ره بولگن.
