کابل غربیده هجوملر کوپه‌یگن بیرحالده، اسلامی وحدت حزب رهبری محمدکریم خلیلی، بوگون کابل ده خبری بیر ییغین اوتکزیب و بو هجوم‌لرنی ریجه‌لی و سیستماتیک دیب و اونینگ نسل نی اولدیریش گه ماس دیگن.
جناب خلیلی سونگی هجوملر و هزاره‌لر اولدیریلیشی گه قرشی عکس‌العمل کورسه‌تیب ایتیشیچه، بو حادثه‌لر هزاره قومی نینگ نابود قیلیش اوچون صورت تاپه‌دی و جنایتچی گروهلر اولرنینگ فزیکی حذف قیلیش اوچون حرکت قیلماقده.
افغانستان اسلامی وحدت حزب رهبری نینگ ایتیشیچه، اوروش جبهه‌لریده باشقه قوم‌لردن هم قربانی بیره‌دی، لیکن هزاره‌لر باشقه بیر شکل و قوم و مذهب نینگ آتی گه اولدیریلیشی قبول قیلینمه‌یدیگن دیر.
جناب خلیلی تنقید قیلیب و ایتیشیچه، افغانستان هزاره‌لری نینگ وضعیتی کوپ یمان بولگن و اولر هیچ بیر ییرده تینچ ایمس دیر و حکومت بو توغریده جدی اقدام قیلیشی کیره‌ک.
جناب خلیلی مذکور ییغینده ایتیشیچه، هزاره‌لر قوم و مذهب آتیده انسان‌لرنی اولدیره‌دیگن جنایتچیلرنینگ برابریده جیم تورمه‌یدی و بو پروسه بونده‌ی دوام تاپگن صورتده، اولر اوزلریدن مدافعه قیله‌دی.
اونینگ اورغولشیچه، هزاره‌لرگه هیچ بیر یول قالمه‌گن صورتده هم اولر جیم تورمه‌یدی و او زمان مملکت وضعیتی گه کتته بیز اوزگریشلیک کیله‌دی.
جناب خلیلی هزاره‌لرنینگ ریجه‌لی شکلده اولدیریلیشی دن تنقید قیلگن بیرحالده، هزاره‌لر یشه‌یدیگن منطقه‌لرده ریجه‌لنگن قتل‌لر و مقناطیسی ماین پارتلش حادثه‌لر کوپه‌یگن. سونگی مورد ده اوتگن کیچه کابل غربی دشت برچی منطقه‌سیده یوزبیرگن ایکی پارتلش ده ۷ تینچ‌اهالی هلاک و باشقه ۶ کیشی ایسه یره‌لندی.
