اروپا بیرلشمهسی افغان عیاللر وضعیتی گه تیگیشلی بیر ییغین یولگه قویدی. مذکور ایکی کونلیک ییغینده، کمیده ۶۰ عیال مملکت ایچیدن و مملکت تشقیسیدن حضور تاپگنلر.
افغانستان بوییچه اروپا اتفاقی نینگ خاص نمایندهسی توماس نیکلسون نینگ ایتیشیچه، «افغان عیال رهبرلر» ییغینی فعال عیاللر و مملکت شجاع عیاللری نینگ اشتراکی بیلن یولگه قوییلگن.
اوشبو ییغین گه اشتراک قیلگنلردن بیری نرگس نهان، بو رقم ییغینلر نینگ یولگه قویلیشی نی اونملی دیب و توییتر صحیفهسیده یازگن که، اوشبو ییغینلر آرقهلی افغانستان عیاللر سیسی نی چیقریش و اولر نینگ حقلری نی قیته بیریش اوچون متعهدمیز.
بیزلرنینگ فیسبوک صحیفهمیزگه باش اورینگ!
بیراق عیال حقوق فعاللریدن بیر قطاری مذکور ییغینلر نینگ یولگه قویلیشیدن تنقیدلب و ایتیشلریچه، مملکت تشقیسیده افغان عیاللر نینگ شرکتی بیلن اروپا بیرلشمهسیده یولگه قوییلگن ییغین، فایدهلی ایمس.
عیال حقوق فعاللردن بیری هایده اکبری نینگ سلاموطندار گه ایتیشیچه، دنیا افغان عیاللر وضعیتی نینگ یامان بولیشی نی نظاره قیلماده؛ بیراق عیاللردن حمایت قیلیش نی کورستگن بیر عملی اقداملر نی انجام بیرمهگن.
اونینگ کوپهیتیریشیچه: «افغانستان عیاللر نینگ قیینچیلیگی بو رقم ییغینلر بیلن حل بولمهیدی و مناسب حل یوللر نینگ تاپیلیشی کیرهک. بو رقم مجلسلر افغان عیاللر قیینچیلیکلری نینگ دایمی حل یولی ایمس، بو مجلسلر نینگ بیر آز مدت اوچون یخشی بولیشی ممکن، بیراق اوزین مدت اوچون فایدهلی ایمس.»
عیال فعاللردن باشقه بیری شیبا رؤوفی نینگ ایتیشیچه، خلقارا دنیا جماعهسی بو رقم ییغیینلر نینگ یولگه قوییش اورنیده، عیاللر برابریده یرهتیلگن چیکلاولر نینگ کمهیشی اوچون اسلامی امارت گه باسیم کیتیریشی کیرهک.
بیزلرنینگ توییترده هم تعقیب قیلینگ!
عیاللر اوچون اروپا بیرلشمهسی نینگ یولگه قویگن ییغینی خصوصیده اسلامی امارت فکری نی اورگنیش ایستهدیک؛ بیراق موفق بولمهدیک.
اسلامی امارت نینگ قدرت گه ایریشگنیدن کیین، کون اوتیشی بیلن عیاللر برابریده چیکلاولر کوپهیگنی بیرحالده، افغانستان عیاللر خصوصیده خلقارا ییغینلر یولگه قوییلهدی.
سونگی موردده امر بالمعروف و نهی عنالمنکر وزیرلیگی حجاب نی مراعت قیلیش نی «الزامی حکم» دیب و عیال مجریلردن برنامهلری نینگ یولگه قویگنلری جریانیده یوزلری نی یاپیشلری نی سورهگن.