«افغانستان عیاللر کونلری» ییغینی؛ ایکی کون‌لیک ییغین سه‌شنبه کونی اروپا بیرلشمه پارلمانی آرقلی بلجیم پایتختی بروکسیل شهریده باشلنگن. اروپا بیرلشمه‌سی نینگ بیر اعلامیه‌ده ایتیشیچه، بو ییغین تورلی موضوع‌لر گه اینقسه افغانستانده حاکم بولگن انسانی فاجعه، «اسلامی امارت نینگ سرکوب قیلیش» و افغان عیاللر توغریسیده‌گی قیین‌چیلیکلر خصوصیده یولگه قویلگن.
افغانستان انسان حقلری مستقل کمیسیونی نینگ سابق رئیسی سیما سمر، افغانستان عیاللری نماینده‌سی صفتیده بو ییغین گه اشتراک قیلگن، اونینگ خواطر بیلدیریب ایتیشیچه، افغانستانده کون اوتیشی بیلن وضعیت یمان بولماقده. بانو سمر دنیا جماعه‌سیدن افغانستان عیاللری نینگ حاشیه گه کیتمه‌یشلری نی سوره‌گن. اونینگ کوپه‌یتیریشیچه، افغانستانده انسان دوستلیک یاردملر دنیا جماعه نینگ اخلاقی مسئولیت‌لریدن دیر.
بیزلرنینگ فیسبوک صحیفه‌میزگه باش اورینگ!
میدان‌شهر نینگ سابق بلدیه‌سی ظریفه عفاری بو ییغینده نطق سوزلگنلردن باشقه بیری ایدی. او اروپا بیرشلمه پارلمانی‌دن اسلامی امارت گه قیته قیته فرصت بیرمه‌یشلری نی سوره‌گن. اونینگ کوپه‌یتیریشیچه: «بیزلر نیچه مینگ طالب اوچون ۳۵ یا_ده ۴۰ میلیون کیشی نی قوییب یوباره‌آلمه‌یمیز.»
عیال حقلری مدافعه‌سی حوریه مصدق، اروپا بیرلشمه‌سیدن سابق‌ده جرمی بولگن کیشیلر اوچون بو رقم ییغینلرده صحبت گه فرصت بیریلمه‌یش نی سوره‌گن. بانو مصدق نینگ نیتی، اسلو ییغینیده اسلامی امارت نینگ حضوری دیر که ناروی دولتی اسلامی امارت گه بو فرصت نی بیرگن ایدی.
حوریه مصدق نینگ ایتیشیچه: «شو سوراق نی بیان قیلیش اوچوک مین‌گه اجازه بیرینگلر، بو ییغین گه عیاللر نماینده‌سی صفتیده شرکت قیلگنیمیز پیتده، سابق‌ده جرمی‌میز بولمه‌گنی و هیچ جرم قیلمه‌گنیمیز اوچون تولدیرینگ دیب بیر فُرم بیره‌دیلر. پس قنده‌ی ناروی ییغینیده اسلامی امارت هیچ بیر سوراق سوره‌لمسدن شرکت قیله‌دی، اولر فُرم گه نیمه یازه‌دیلر؟ »
اروپا بیرلشمه پارلمان رئیسی روبرتا متزولا نینگ ایتیشیچه، دنیا افغانستان عیاللری نینگ نیازلری نی اولویت گه قرار بیریشلری کیره‌ک و عیال حقوقی نی رعایتی اساسیده‌گی پیش شرطلر نی نظر گه آلیب اسلامی امارت بیلن تعامل قیلسینلر.
بیزلرنینگ توییترده هم تعقیب قیلینگ!
اونینگ اروپا بیرلشمه ییغینی نینگ بیرینچی کونیده ایتیشیچه، اروپا بیرلشمه‌سی عیال حقلری و افغانستانده عیاللر نینگ تعلیم، ایش و اجتماعی مشارکتلر گه قول تاپیشلری خصوصیده ایشانچ بیرگن. اروپا بیرلشمه پارلمانی، اسلامی امارت آرقلی افغانستان عیاللری برابریده‌گی جنسیتی تبعیض نی قاره‌لگن.
روبروتا متزولا نینگ ایتیشیچه: «افغانستانده اسلامی امارت قدرت گه ایریشگنیدن کیین، انسان حقلری وضعیتی اینقسه عیاللر و قیزلر اوچون یمانلنگن. عیاللر برابریده سیستماتیک جنسیتی تبعیض خواطرلنتیروچی دیر و اولر تعلیم گه قول تاپیش، ایش و اجتماعی بولیملرگه مشارکت قیلیشدن محروم قالگنلر.»
مذکور ییغین اروپا بیرلشمه‌سی تامانیدن «افغانستان عیاللر کونلری» عنوانیده ایکی کون گه بلجیم پایتختی بروکسیل‌ده یولگه قویلیب و اوتگن کون ایسه بو ییغین نینگ سون کونی ایدی که افغانستان عیاللری نینگ حاضرگی وضعیتی خصوصیده صبحت اوتکزیلدی.
