فریدون قلعه‌سی، فراه ولایتی نینگ قدیمی مکان‌لریدن دیر که کمیده ۲ مینگ ییل قدامتی بار و افغانستان و ایران جغرافیه‌سیده قدیمی سیستان سرزمین‌لری نینگ حکایت‌چیسی دیر.
فراه یشاوچیلری و مدنیت‌چیلریدن قطاری نینگ ایتیش‌لریچه، کون اوتیشی بیلن اوشبو تاریخی بنا، طبیعی و حکومت نینگ دقت‌سیزلیگی باعث، بوزیلیش عرفه‌سیده قرار تاپگن.
بیزلرنینگ فیسبوک صحیفه‌میزگه باش اورینگ!
فراه یشاوچیلریدن بیری محمدابراهیم نینگ سلام‌وطندار گه ایتیشیچه: «فراه مرکزیده فریدن قلعه‌سی و کهک کهزاد کبی تاریخی ییرلر نینگ قیته قوریلیشی خصوصیده هیچ قنده‌ی اقدام صورت تاپمه‌گن و اوشبو تاریخی ییرلر تخریب بولماقده.»
شونده‌ی بیرحالده، فراه ولایتی نینگ مدنیت‌چیلری اوشبو ولایت‌ده تاریخی بنالردن کوپ قطاری نینگ تخریب بولیشی خصوصیده خواطر بیلدیریب ایتیش‌لریچه، یالغیز شهر مرکزیده موجود بولگن فریدون قلعه‌سی کمیده ۴۰ الی ۵۰ فایز تخریب بولگن. اولر گه کوره، تاریخی ییرلر بیر مملکت و بیر جماعه نینگ مدنیتی، تمدنی و کیم‌لیگی نی کورسته‌دی که انه شوو یوزدن اولردن جدی شکلده حفظ و مراقبت بولیشی کیره‌ک.
فراه مدنیت‌چیلریدن فریداحساس نینگ ایتیشیچه: «خامه بولگنی باعث، تاریخ جریانیده تخریب بولگن و بو خصوص‌ده هیچ قنده‌ی توجه هم بولمه‌گن، اهالی هم متمدن بیر جماعه صفتیده هیچ قنده‌ی درست رفتار قیلمه‌گن، مذکور تاریخی ییرلر تخریب بولماقده و حقیقتا اوشبو تاریخی ییرلر نینگ ۴۰ الی ۵۰ فایزی ییقیلگن.»
بیزلرنینگ توییترده هم تعقیب قیلینگ!
فراه معلومات و مدنیت ریاستی نینگ فرهنگی میراث‌لردن حفظ قیلووچی مدیری نعمت‌الله اسماعیل زاده نینگ ایتیشیچه، اوشبو ولایت‌ده‌گی تاریخی بنا‌لر نینگ قیته قوریلیش اوچون نیچه مرته سابق دولت گه مکتوب یوبارگن ایکنلر، بیراق هیچ قنده‌ی توجه صورت تاپمه‌گن و اسلامی امارت دن مذکور تاریخی ییرلر نینگ قیته قوریلیشی خصوصیده دقت قیلیشینی سوره‌یدیلر.
فراه معلومات و مدنیت ریاست مسئوللری نینگ ایتیش‌لریچه، اوشبو ولایت‌ده ۱یوز تاریخی بنا‌دن کوپ موجود دیر که بو آره‌ده اولردن ۲۰ ته‌سی معلومات و مدنیت وزیرلیگی نینگ فرهنگی میراث‌لری گه قید ایتیلگن.
فریدون قلعه‌سی تاریخی بناه‌لردن بیری دیر که شهر کهنه اسمی گه هم یاد بوله‌دی و ۳۰۰ جریب ییر گه توزه‌تیلیب و ۹۹ کیچیک برج‌لری بار.
