کابل شهری هواسی کوپراق افلاسلنگن بولسه‌ده، بیراق کابل بلدیه‌سی کوچت اېکیش کمپاین‌نی یولگه قویگن. بو کمپاین ۹-حوت، شنبه کونی، سرپرست حکومت عملدارلری و کابل شهری یشاوچیلری نینگ حضوری بیلن وزیراکبرخان تېپه‌سیده باشلنگن و اوشبو کمپاین یکونی‌گه قدر کابل شهری بویلب چمه‌سی ایکّی میلیون کوچت اېکیلیشی کوتیله‌دی.
اولر گه کوره، اۉتگن ییل‌لرده کوچتلر قوریقلنمسلیگی و سوغاریلمسلیگی طفیلی اېکیلگن کوچت‌لردن بیر قنچه‌سی قوریب قالگن.
بیزلرنینگ فیسبوک صحیفه‌میزگه باش اورینگ!
کابل بلدیه‌سی مسئوللری نینگ ایتیشلریچه، مذکور کوچت‌لرنی باشقریش و کابل شهرینی کورکم‌لیگی اوچون اېریم ریجه‌لرنی نظرگه آلگنلر.
کابل بلدیه‌سی یشیل‌لیک بوییچه باشلیغی عبدالوکیل متوکل گه کوره: «بو ییل کابل بلدیه‌سی ایکّی میلیون کوچت که اولر نینگ ۶۰۰ مینگ ته‌سی تیار دیر کابل شهری‌ده توزیع و اېکه‌دیلر.»
اوشبو اداره نینگ شهری خذمت‌لر و اطراف-محیط ایشلری بوییچه اۉرین باسری محمدخالص سجستانی نینگ ایتیشیچه: «بو کوچتلر قوریمه‌یدی؛ کابل شهری ده کمربندسبز بار و ایکّی میلیون کوچت اېکیش کوچی گه اېگه؛ سوونی باشقریش اوچون کابل بلدیه‌سی نینگ یخشی ریجه‌لری بار.»
کابل بلدیه‌سی گه کوره، اوتگن قویاش ییل‌ده کابل شهری‌ده قریب بیر میلیون کوچت اېکیلگن ایکن که مذکور کوچتلر درست بیر شکلده سقلنیب و اونینگ قوروق‌لنمسلیگی آلدی آلینگن.
عین حالده، اوشبو ییغین گه شرکت قیلگنلر هوا اوزگریشی سلبی عاقبتلری جمله‌دن ییر آستی سوولر سطحی قویی کیلیشی و قوروق‌چیلیک‌لر گه اشاره قیلیب، کابل شهری‌ده کوچت ایکیلیشی نی اساسی نیاز بیله‌دیلر.
بیزلرنینگ «ایکس» ترماغی ده هم تعقیب قیلینگ!
اطراف-محیط‌نی سقلش ملی اداره سرپرستی حافظ عزیز‌الرحمان نینگ ایتیشیچه: «برچه گه بیللی که حاضر اقلیم اوزگریشی خصوصیده دنیا کوپینچه قیین‌چیلیک بیلن روپه‌ره دیر و کون اوتیشی بیلن هوا ایسیماقده. بو قیین‌چیلیک بیلن قرشی کوره‌ش اوچون کوچت اېکیلیشی یخشی بیر یول دیر.»
هر ییل کوچت اېکیلیش موسومی ییتیب کیلیشی بیلن، مسئوللر مملکت بویلب میلیون‌لب کوچت اېکیلیشی‌دن خبر بیره‌دیلر؛ بیراق یشاوچیلری اوشبو کوچتلر سقلنمسلیگی و قوریشی خصوصیده شکایت قیله‌دیلر.
