ناتو باش کاتبی ینس استولتنبرگ نینگ ایتیشیچه، کیسکین حمایه‌وی کوچلرنینگ افغانستاندن چیقیشی عمل‌گه آشیریلماقده، لیکن ناتو نینگ افغانستانده‌گی ماموریتی‌نی یکونله‌نیشی اوشبو مملکت بیلن بولگن رابطه‌لر یکونله‌نیش مفهومی‌گه ایمس.
جناب استولتنبرگ، اوشبو مطلب‌نی اوتگن “پنجشنبه” کونی اروپا بیرلشمه‌سی نینگ مدافعه وزیرلری ییغینیده بیان قیلگن. ناتو باش کاتبی نینگ تاکید قیلیشیچه، ناتو متحدلری افغانستان امنیتی و دفاع کوچلریگه بولگن مالی و تعلیمی یاردم‌لر دوام تاپیش موضوعی نی تیکشیرماقده.
سلام‌وطندارنی فیسبوک‌ده تعقیب قیلینگ
استولتنبرگ نینگ ایتیشیچه، افغانستانده کیسکین حمایه‌وی کوچلر ماموریتی یکونلنگن، لیکن ناتو نینگ یاردم‌لری یکونله‌نیشی مفهومی‌گه ایمس، بلکیم یاردم‌لرنینگ ینگی فصلی آچیلگن. ناتو باش کاتبی، اوشبو تشکیلات تینچلیک جریانیدن حمایت قیلیشی‌نی بیلدیرگن.
- «ناتو ترورچیلیککه قرشی کوره‌ش اوچون افغانستان حربی‌لریدن حمایت قیلیش گه متعهد دیر»
- ارگ ناتو نینگ افغانستان توغریسیده آلگن ینگی قراری نی خوش قرشیله‌گن
- افغانستان ده دایمی تینچلیک تأمین‌لنگونگه قدر، ناتو همکارلیک‌لریگه دوام بیره‌دی
اونینگ ایتیشیچه، سونگی یوتوق‌لرینی سقلش اوچون اوروش‌نی سوزلشوولر آرقه‌لی حل قیلیش یخشی گزینه دیر. ناتو باش کاتبی نینگ ایتیشیچه، ناتو کوچلری افغانستاندن چیقه‌دیگن پیت طالبان هجومی بیلن دوچ کیلگن صورتده، اولرگه قرشی جدی جواب قیتریلیشی ممکن.
ایتیلیشیچه، آمریکا و ناتو کوچلری نینگ افغانستاندن چیقیش جریانی جاری میلادی آی نینگ بیرینچی تاریخی ده باشلنگن.
حاضرگه‌قدر افغانستان شمال و جنوبی‌ده چیت‌ایللیک کوچلرنینگ ایکی قرارگاهی افغانستان امنیتی کوچلریگه تاپشیریلگن.
آمریکا و ناتو نینگ قراریگه کوره، افغانستاندن چیت‌ایللیک کوچلرنی چیقیش جریانی‌نی ۱۱ سپتامبرگه‌قدر یکونله‌نیشی ممکن.
