اسلام‌قلعه بندرگاهی ده ایران چیگره‌چیلری و اسلامی امارت کوچلری آره‌سیده تارتیشوولردن کیین، ایران‌لیک میدیالر ویدیو ترقه‌تیب، ایران تامانیدن امنیتی چاره‌تدبیر کوریلیشی و ایکی مملکت آره‌لیغیده کوپراق کوچ ییرلشترگنیدن خبر بیرگن‌لر.
ترقه‌لگن ویدیولر گه کوره، ایران گه عاید تانک‌لر و زرهی واسطه‌لر افغانستان چیگره‌سی «دوغارون» تامان حرکتده دیر و مذکور مملکت حربی کوچلری اوشبو چیگره ده ییرلشگن‌لر.
بیزلرنینگ فیسبوک صحیفه‌میزگه باش اورینگ!
ایران و افغانستان رسمی‌لری، بوتوغریده حاضرگچه هیچ نرسه دیمه‌گن.
بو عین‌حالده، اوتگن کونی ایران تشقی ایشلر وزیرلیگی نینگ سوزلاوچیسی سعید خطیب‌زاده میدیالر بیلن اوتکزگن صحبتیده، اوشبو مملکت چیگره‌چیلری اسلامی امارت کوچلری بیلن خویشتن‌دارلیک قیلگن، بیراق او تامان یامان توشینگن تقدیرده، یامان عاقبتی بولیشی ممکن دیگن.
هرات ولایتیده اسلام‌قلعه بندرگاهی شنبه کونی، ۳ ثور ایران و اسلامی امارت چیگره‌چیلری آره‌سیده‌گی توقنشوو باعث وقتینچه‌لیک یاپیلدی.
محلی منبعلر نینگ ایتیشلریچه، اسلامی امارت کوچلری ایکی مملکت چیگره یقینیده سرک توزه‌تماقچین ایکن‌لر تارتیشوو یوز بیرگن.
منبعلر گه کوره، ایران چیگره‌چیلری، اوشبو یول‌نی قوریش گه توسیق بولیش اوچون ساحه‌گه کیریب و موترلریدن بیری افغانستان توپراغی گه کیرگن ایدی که اسلامی امارت کوچلری تامانیدن توخته‌تیلگن.
بیزلرنینگ توییترده هم تعقیب قیلینگ!
ایران میدیالری اوشبو واقعه‌نی تصدیقلب گزارش بیرگن‌لر گه اسلامی امارت کوچلری ایران نینگ حربی موترینی ضبط قیلگن و مذکور مملکت کوچلری موترلرینی آلیش مقصدیده سعی و حرکت قیلماقده‌لر.
