هندوستان و فرانسه مملکتلری نینگ جمهور رئیسلری قوشمه بیر بیانیه ترقهتیب، افغانستانده انسانی بحران و بشر حقوقی ایاق آستی ایتیلیشی خصوصیده خواطر بیلدیرگنلر.
اولرنینگ تأکید قیلیشلریچه، افغانستانده تینچیلیک و ثبات تأمین ایتیلیشی اوچون سعی و حرکت قیلهدیلر.
بیزلرنینگ فیسبوک صحیفهمیزگه باش اورینگ!
هندوستان رسانهلری نینگ گزارش بیریشلریچه، هندوستان باش وزیری نرندرا مودی فرانسه جمهور رئیسی امانوئل مکرون بیلن قوشمه بیر بیانیه ترقهتیب، افغانستانده برچه شمول حکومت تشکیل ایتیلیشی، عیاللر، بالهلر و آزچیلیک قوملر حقوقیگه حرمت قیلینیشی اوستیگه تأکید قیلگنلر.
شونینگدیک بو ایکی مملکت ییتکچیلری نینگ کوپهیتیریشلریچه، افغانستان ملی حاکمیتیده حرمت قیلیب و اوشبو مملکت ایچکی اموریگه ارهلشمهیدیلر.
هندوستان و فرانسه مملکتلری نینگ علاوه قیلیشلرچه، افغانستان توپراغیدن دنیا مملکتلریگه قرشی هجوم اویوشتیریلمسلیگی کیرهک و بو ایکی مملکت بو توغریده بیرلشگن ملتلر تشکلاتی خوفسیزلیک کینگهشیگه همکارلیک قیلهدیلر.
بیزلرنینگ توییترده هم تعقیب قیلینگ!
بوندن آلدیم هم بیر قیطار مملکتلر افغانستانده بشر حقوقی تأمین ایتیلیب و برچه شمول حکومت تشکیل ایتیلیشی اوستیگه تأکید قیلیب و بونی اسلامی امارت رسمیتگه تانیلیشی اوچون شرط عنوان قیلگن ایدیلر؛ بیراق اولر نینگ ایتیشلریچه، اسلامی امارت حاضرگچه بو شرطلرنی عملگه آشیرمهگن.
عینحالده، اسلامی امارت مسئوللری نینگ تأکید قیلیشلریچه، حاضرگی حکومت برچه شمول دیر و برچه یشاوچیلر اساسی حقوقلریگه ایگه دیرلر.