پاکستان قومی جرگه‌سی افغانستانده منتخب بیر حکومت سیلاو و بویوکلر کینگشی آرقه‌لی ایجاد ایتلیشی‌نی سوره‌گن. اوشبو کینگش پاکستان نینگ خیبر پشتونخواه ایالتی نینگ بنو شهریده اوچ کون گچه یولگه قوییلگن ایدی اوتگن کون ۲۵ ماده‌لیک بیر اعلامیه ترقه‌تیش بیلن یکونلندی.
اوشبو کینگش نینگ اعلامیه‌سی گه کیلیشیچه، افغانستانده قدرت‌نی زور بیلن غیر قانونی قولگه آلیش اهالی گه خیانت دیر و جمهوریت نظامی افغانستانده دنیا مملکت‌لری معیاریگه ماس ایجاد ایتیلیشی کیره‌ک.
بیزلرنینگ فیسبوک صحیفه‌میزگه باش اورینگ!
شونینگدیک پاکستان قومی گینگشی افغانستانده‌گی جاری بحران‌دن خواطر بیلدریب، بیرلشگن ملت‌لر تشکیلاتی و قوشنی مملکت‌لردن افغانستان یشاوچی‌لریگه انسان سیورلیک یاردم کورسه‌تیب و افغان قاچقین‌لری بیلن قانونی و انسانی یول باریشلرینی سوره‌گن.
اعلامیه‌ده کیلیشیچه، مذکور جرگه دیورند چیزیغی اطرافی تیکانلی سیم بیلن یاپیلیشی‌نی قبول قیلمه‌یدیلر و ایکی مملکت سوداگرلری آراسیده سوداگرلیک علاقهلر ویشاوچی‌لر باریب کیلیشلری مدرک سیز ایرکین شکلده صورت تاپسین.
افغانستانده سیلاو و اهالی آوازی آرقه‌لی منتخب حکومت ایجاد ایتیلیش بوندن آلدین افغانستان سابق حکومتی نینگ مقاملری وبیرقطار تشقی مملکت‌لر تامانیدن مطرح قیلینگن ایدی، بیراق اسلامی امارت بو ایستک‌لرگه جواب قیترمه‌ی حاضرگی حکومت‌نی مشروع و برچه شمول عنوان قیلگن دیر.
بیزلرنینگ توییترده هم تعقیب قیلینگ!
اوشبو جرگه که مینگلرچه کیشی اشتراکی بیلن یولگه قویلگن ایدی پاکستان پشتونلری نینگ ایستکلری کوپراق او مملکت سیاستی گه تیگیلی دیر، بیراق حاضرگچه مرکزی دولت وپاکستان باشقه مقاملری اوشبو جرگه‌ده مطرح قیلینگن ایستکلرتوغریسیگه عکس‌العمل بیلدیرمه‌گنلر.
