افغانستان خبرچیلر ملی اوی مسئوللری، بوگون کابلده یول گه قویلگن خبری بیر ییغینده ایتیشلریچه، اوتگن 20 ییل و خصوصاً مملکتدهگی سونگی اوزگریشلردن کیین، افغانستان خبرچیلری و رسانهیی جماعه کوپینچه زیان کورگن.
قندوزده کورهش مسابقهسی شمال و شمالشرق سپورتچیلری آرهسیده یولگه قوییلگن. قندوز شهری سپینزر سپورت میدانیده اوشبو مناسبت بیلن اوتکزیلگن احتفالده، قندوز حاکمی، دولت بیر قطار ادارهلری نینگ باشلیغلری، کورهش فدراسیون عمومی رئیسی، یاشلر و اونلب سپورتچی اشتراک ایتگن ایدیلر.
هلمند مدنی فعاللریدن قطاری نینگ ایتیشلریچه، افغانستانده اسلامی امارت نینگ قدرت گه ایریشگنیدن کیین، فعالیتلری توختهگن دیر. اولر اقتصادی قیینچیلیک، ایشسیزلیک و اسلامی امارت تامانیدن فعالیتلری اوچون شرایط نابیللی بولگنی نی، فعالیتلری نینگ توختهگنی گه سبب بولگن اینگ اونملی دلیل دیگنلر.
ترکمنستان نینگ حاضرگی جمهور باشلیغی و حاکم حزب نامزدی قربانقلی بیردی محمداوف نینگ فرزندی سردار بیردی محمداوف، اوشبو مملکت جمهورلیک ریاستی سیلاوی گه غلبه قازاندی.
اسلامی امارت رهبری هبتالله آخوندزاده اسلامی امارت اعضالریگه ینگی بیرپیام یولب 14 مادهلیگ کورستمه ارائه قیلگن دیر. اوشبو کورستمهده اسلامی امارت برچه اعضالریدن قوم پرستلیک، منطقه پرستلیک و تعصبدن کیسکین قول تاریتیشلرینی سورهگن.
پاکستان قومی جرگهسی افغانستانده منتخب بیر حکومت سیلاو و بویوکلر کینگشی آرقهلی ایجاد ایتلیشینی سورهگن. اوشبو کینگش پاکستان نینگ خیبر پشتونخواه ایالتی نینگ بنو شهریده اوچ کون گچه یولگه قوییلگن ایدی
