پاکستان دهگی افغانستانلیک طلبهلردن قطارینینگ ایتیشلریچه، قاچقینلر چیقریلیشی ینگی تولقینی باشلهنیشی و ویزا اوزهیتیریلمسلیگی، بو مملکتده یشش و تحصیل دوامی توغریسیده خواطرلرنی کوپهیتیرگن.
پاکستان دهگی افغانستانلیک طلبهلر بیرلشمهسی باشلیغی همده طلبه بولمیش صدیق شریعتینینگ ایتیشیچه، بیر ییلدن بیری افغانستانلیک طلبهلر ویزهلری اوزهیتیریلیشینی کوتیب تورگنلر. اونینگ کوپهیتیریشیچه: «افغانستانلیک طلبهلر ویزاسی وقتیده اوزهیتیریلمهیدی. بیر ییلدن بیری طلبهلر ویزالرینی اوزهیتیریلیشی اوچون اپلای قیلگنلر، بیراق حاضرگچه بیللی ایمس. طلبهلر کوپینچه قیینچیلیکلر بیلن روپهرهلر؛ بانکی کارتلری و سیمکارتلری یاپیلگن.»
شونینگدیک اسلامیک بیلیم یورتیده بانکدارلیک بولیمی طلبهسی بولمیش سارانینگ ایتیشیچه، ویزا تمدید بولمسلیگی و قاچقینلر چیقریلیشی تحصیلگه قیزیقیشینی اورتهدن کیتگزگن. «یامان بیر وضعیتگه قرار تاپگنمیز، حکومت پالیسیسی اوزگریشی قورقوو و خواطرلرگه سبب بولگن؛ ایرتهنینگ نیمه بولیشینی بیلمهیمیز، درسلریمیزنی دوام بیره آلهمیز می یوق؛ ویزهمیز اوزهیتیریلیشی اوچون اپلای قیلگنمیز، بیراق حاضرگچه جواب کیلمهگن.»
اسلامآباد دهگی بیلیم یورتلردن بیریدهگی طلبهلردن پرمینا، تیگیشلی نهادلردن افغانستانلیک طلبهلر وضعیتیگه توجه بولیشینی سورهگن. اونگه کوره: «قیغو بیلن بیر ییلدن بیری افغانستانلیک طلبهلر اوچون ویزا اوزهیتیریلیشی و بیریلیشی یاپیق دیر؛ طلبهلر کیلهجکلرینی توزهتیش اوچون پاکستان گه کیلگنلر، لیکن بو کیلهجک اورتهدن کیتماقده.»
لاهور ده «کینگ ادوارد» طبی بیلیم یورتی، افغانستانلیک یشاوچیلر و شفاکارلرنی ایشانچلی ویزالری بولمهگنی صورتده اوشبو بیلیم یورت یاتاقخانهلرینینگ ترک قیلیشلری توغریسیده آگاهلنتیرگنی بیرحالده، اوشبو خواطرلر بیان بولگن. خلقارا افغانستانلیک طلبهلر انجمنیگه کوره، بو ایش جدی عاقبتلرگه سبب بولیشی ممکن.
