افغانستان طالبان نظارتی گه اوتگنیدن کیین، مملکتدن تشقری کیتگن سیاسی سیمالر و سابق جهادی رهبرلردن قطاری بیر اعلامیه نشر قیلیش بیلن «افغانستان اسلامی جمهوریتی نینگ ملی مقاومت عالی کینگشی» نامیده بیر جبهه ایجاد ایتیلگنیدن خبر بیرگن.
عطامحمد نور گه یقیین کیشیلردن بیری رحمتالله بیژنپور نینگ ایتیشیچه، مذکور کینگش گه حاضرگچه عطامحمد نور، عبدالرب رسول سیاف، یونس قانونی، محمد محقق و عبدالرشید دوستم شامل دیر.
اونگه کوره، مذکور کینگش مملکت ایچیده حامد کرزی و عبدالله عبدالله گه اوخشهگن باشقه سیاسی سیمالرنینگ حمایتی بیلن، طالبان حکومتی نینگ برابریده بیر مقاومت تشکیل بیریش اوچون حرکت قیلهدی.
مذکور اعلامیهده که حاضرگچه عطامحمد نور و عبدالرب رسول سیاف رسمی صحیفهلریدن نشر ایتیلگن کیلیشیچه، شخصیتلر، حزبلر و گروهلر بیلن سوزلش اوچون اولرنینگ تامانیدن بیر کمیته ایش گه باشلهگن.
بیزلرنینگ فیسبوک صحیفهمیزگه باش اورینگ!
مذکور اعلامیهده، سیاسی بیر ییچیم یول گه قول تاپیش اوستیگه اورغولنگن؛ بیراق سوزلشوو نتیجه بیرمهگن صورتده، حربی برنامهدن ایسلنگن.
بیراق ایش بیلرمانلردن قطاری نینگ ایشانچلریگه کوره، مذکور کینگش ایجاد ایتیلیشی نینگ مقصدی، حاضرگی حکومتدن امتیاز آلیش و بو لیست گه شامل بولیش دیر و اونینگ بیر نتیجه بیرمهسی ممکن.
سیاسی ایش بیلرمان مصطفا علیزاده نینگ ایتیشیچه، مذکور رهبرلر کابل نینگ سقوط قیلگن زمانی حرکت قیلیشلری کیرهک ایدی، بیراق قاچیب کیتدیلر. اونگه کوره، اولر هر دایم اوز فایدهلری نینگ فکر قیلگن و اهالی اولرگه اعتماد قیلمهیدی.
افغانستان بوتونلی طالبان نظارتی گه اوتگنیدن کیین سابق حکومت سیاسی سیمالری و جهادی رهبرلریدن قطاری مملکتدن تشقری کیتدی و حاضرگچه اولرنینگ موقعیتی توغریسیده بیللی بیر معلومات یوق.