هرات ده مردمی مقاومت حرکت حربی‌لریدن حمایت قیلیش اوچون، یاردم توپلش صندوقی ایجاد ایتیلگن. هرات ده مردمی مقاومت حرکت سوزلاوچیسی عبدالرازق احمدی نینگ سلام‌وطندارگه ایتیشیچه، بو صندوق اهالی تامانیدن ایجاد ایتیلگن و یقیین کیله‌جکده اونینگ رسمی شکلده آچیب و برچه نینگ اختیاری گه قوییش‌لری ممکن.
عبدالرازق احمدی نینگ کوپه‌یتیریشیچه، مذکور صندوق ده توپلنگن یاردملر مدیریت بولیب و اوروش نینگ بیرینچی چیزیغیده اوروشه‌دیگن حربیلر، یره‌دارلر و هلاک بولگن یره‌دارلرنینگ عایله‌لریگه صرفلنه‌دی. اونگه کوره، حاضر هرات یشاوچی‌لریدن قطاری اولکه ایچی و تشقری‌سیدن مذکور صندوققه پول یاردم بیرگن.
بیزلرنینگ فیسبوک صحیفه‌میزگه باش اورینگ!
عین حالده، هرات ده مردمی مقاومت حرکت کینگش اعضاسی جمال عبدالناصر حبیبی نینگ ایتیشیچه، مردمی مقاومت حرکتی گه اهالی نینگ یاردمی و حمایتی باشلنگن. اونینگ کوپه‌یتیریشیچه، ینگی‌لیکده هرات اهالیسی مردمی مقاومت حرکت حربی‌لریدن حمایت قیلیش اوچون نیچه یاردم توپلش صندوقی ایجاد قیلیشگن.
جمال عبدالناصر حبیبی نینگ ایتیشیچه، مذکور صندوق‌لر اهالی تامانیدن ایجاد ایتیلگن و شونینگدیک مدیریتی هم اهالی تامانیدن بوله‌دی. اونینگ اورغولشیچه، اهالی نینگ بونده‌ی حمایتی اوروش میدانیده مردمی مقاومت حرکت حربی‌لریگه کوپ روحیه بیره‌دی.
شونده‌ی بیرحالده، ینگی‌لیکده مملکت سابق جمهوررئیسی حامد کرزی نینگ مصلحتچیسی داکتر رنگین دادفر اسپنتا، محمداسماعیل خان رهبرلیگیده مردمی مقاومت حرکت کینگشی گه سیاسی، مردمی، مالی و خلق‌ارا یاردم جلب قیلیش مسئولیتی نی بوینیگه آلگن.
عین حالده، هرات ده مردمی مقاومت حرکت سوزلاوچیسی عبدالرازق احمدی نینگ ایتیشیچه، جناب اسپنتا نینگ یانیده هرات نینگ باشقه تأثیرچن سیمالریدن قطاری هم مردمی مقاومت حرکت کینگشی گه سیاسی و فرهنگ حمایت‌لر جلب قیلیش مسئولیتی نی آلگن.
باشقه بیر تاماندن سیاسی تحلیلچی‌لرنینگ ایتیش‌لریچه، بونده‌ی بیر قیین امنیتی وضعیت گه هرات شهری گه طالبان هجومی نی آلدینی آلیش اوچون مردمی کوچلردن هرتامانلمه حمایت صورت تاپیشی کیره‌ک.
