رویترز خبرگزارلیگی بیر گزارش ترقه‌تیب ایتگن که چین تشقی ایشلر وزیری وانگ یی افغانستانده قشاقلیک و آچلیک کوپه‌یگنی توغریسیده خواطر بیلدیریب و اوشبو مملکت گه مالی یاردم بیریلیشی اوچون دنیا بانکی و خلق‌ارا پول صندوغیدن پول ایسته‌گن. رویترز نینگ گزارشی اساسیده، چین تشقی ایشلر وزیری بو موضوع نی اوتگن کون (چهارشنبه) یونان گه قیلگن سفری جریانیده بیان قیلگن.
مذکور گزارش نینگ معلوماتی اساسیده، چین تشقی ایشلر وزیری دنیا بانکی و (IMF) خلق‌ارا پول صندوغیدن افغانستان قیته قوریلیشی اوچون مالی یاردم‌لری نی نقدی شکلده بیریش‌لرینی سوره‌گن.
شونده‌ی بیرحالده، اوتگن کون وانگ یی تهران‌ده یولگه قوییلگن افغانستان قوشنی مملکت‌لری نینگ ییغینیده، افغانستان برچه جبهه‌لرده یاردم گه محتاج بولگنی نی ایتگن ایدی.
او، بو ییغینده آنلاین شکلده سوزله‌شیب و آمریکا و باشقه غربی مملکت‌لردن افغانستان‌گه قرشی بیر تامانلمه تحریم‌لری نینگ لغو ایتیشی نی سوره‌دی. شونینگدیک چین تشقی ایشلر وزیری دنیا ساغلیک تشکیلاتی‌دن افغانستان گه کووید ۱۹ گه قرشی کوره‌ش اوچون واکسین و کوپینچه ساغلیک تجهیزات‌لر فراهم قیلیشی نی سوره‌گن.
شونینگدیک او افغانستان گه چین تامانیدن ۳۰ میلیون دالر انسان‌دوستلیک یاردم بیریلیشی توغریسیده وعده بیرگن. شونده‌ی بیرحالده، سابق دولت سقوط قیلیشی بیلن آمریکا بانک‌لریده بولگن افغانستان مرکزی بانکی نینگ ۹.۴ میلیارد دالری مذکور مملکت تامانیدن باغلنگن ایدی. آمریکا خزانه‌دارلیک وزیرلیگی نینگ ایتیشیچه، طالبان نینگ بو پول گه قول تاپیشی گه رخصت بیرمه‌یدی.
