افغانستان قیته قوریلیشی اوچون آمریکا نینگ خاص تیکشیرووچی اداره‌سی یا-ده سیگار اوشبو ممکلتده عیاللر وضعیتی نینگ قنده‌لیگی توغریسیده خواطر بیلدیرگن.
مذکور نهاد بیرلشگن ملت‌لر تشکیلاتی نینگ انسان حقلری کوزه‌تووچی اداره‌سی نینگ گزارشی‌دن قوله‌نیب توییتر صحیفه‌سیده یازیشیچه، عیاللر و قیزلر نینگ شرعی محرمی بولمسدن ساغلیک مرکزلر گه باریش خصوصیده یره‌تیلگن چیکلاولردن کیین، اولرنینگ ساغلیک مرکزلرگه قول تاپیش‌لری نظیری کوریلمه‌گن درجه‌ده کمه‌یگن.
بیراق اسلامی امارت سوزلاوچی اورین باسری بلال کریمی، عیاللرگه چیکلاو یره‌تیلگنی و اولرنینگ ساغلیک خذمتلرگه قول تاپیشی خصوصیده یره‌تیلگن چیکلاو یره‌تیلگنی نی رد قیلیب و اونینگ غیر منطقی دیگن.
شونینگدیک جناب کریمی نینگ ایتیشیچه، ساغلیک مرکزلرگه عیاللر نینگ کیتیشی خصوصیده چیکلاو یره‌تیلگنیدن هیچ بیر مورد رویخط گه آلینمه‌گن.
بیزلرنینگ فیسبوک صحیفه‌میزگه باش اورینگ!
شونینگدیک عیال‌لرنینگ ساغلیک خذمتلرگه قول تاپیش‌لری خصوصیده یره‌تیلگن چیکلاو عیاللر حقلری نینگ هم عکس‌العمل‌لریگه هم روپه‌رو بولگن.
عیاللر حقوقی فعالی اوگی امیل، عیاللرگه وضع بولگن چیکلاولرنینگ قنده‌یلیگی خصوصیده خواطر بیلدیریب و سلام‌وطندارگه ایتیشیچه، کسل بولیب و درمان‌لیش بارمه‌گن کیشیلر تلف بوله‌دی. اونینگ کوپه‌یتیریشیچه، بونچه‌لیک چیکلاو یره‌تیش تحمل قیلینمه‌یدیگن دیر.
مملکتده اسلامی امارت حاکم بولگنیدن کیین، عیاللرگه تورلی چیکلاولر یره‌تیلدی که اوشبو قانونلر عیال‌لرنینگ تنقیدی و عکس‌العمل‌لری بیلن روپه‌رو بولدی. اوتگن کون‌لرده اجتماعی ترماق‌لرده بیر تصویر قولمه قول بولیدی که بو رسم بیر عیال، ایرکک کییمی نی کییش بیلن اسلامی امارت نینگ عیاللر بی محرم چیقیشی خصوصیده اعتراض بیلدیریشی نی کورسته‌یدی.
