افغانستان ده اسلام امیرلیگی تامانیدن یرهتیلگن چیکلاولر اینیقسه عیاللر ایشی و قیز اوقووچیلر تعلیمی توختهتیلیشی گه دایر خواطرلر و مناسبتلر دوامیده، افغانستان ده بیرلشگن ملتلر تشکیلاتی نینگ اورین باسرلیک هیات دفتر رئیسی روزا اوتونبایوا نینگ ایتیشیچه، افغانستان دهگی حاضرگی وضعیت اوشبو مملکت گه انسان سیورلیک یاردملر اوستیگه تأثیر قیلیشی ممکن.
افغانستان ده بیرلشگن ملتلر تشکیلاتی باش کاتبی نینگ مخصوص نمایندهسی بانو اوتونبایوا، بوگون سلاموطندار رادیوسی یا-ده سلام افغانستان میدیا تشکیلاتی دفتریده خلقارا رادیو کونی مناسبتی بیلن یولگه قوییلگن ییغیلیشده کوپهیتیریشیچه، اسلام امیرلیگی رسمیلری بیلن اوچرهشوولریده، هر دایم افغانستان ده چیکلاولر اینیقسه قیز اوقووچیلر تعلیمی و عیاللر نینگ ایشی توختهتیلیش قرارلری سلبی عاقبتلریدن آگاهلنتیرگن.
بیزلرنینگ فیسبوک صحیفهمیزگه باش اورینگ!
یوناما رئیسی نینگ اورغولیشیچه، افغانستان ده اهالی وضعیتی گه توجه قیلیش بیلن، یاردم بیریش خصوصیده تیار دیر، بیراق افغانستان نینگ حاضرگی حکومتی تامانیدن یرهتیلگن چیکلاولر یاردملر برابریده توسیقلیک ایجاد قیلیب و افغانستان نینگ رواجلنیش یولیدن اوزاق قالیشی گه سبب بولهدی.
اونینگ ایتیشیچه: «افغانستان نینگ ایجابی یول گه حرکت قیلیشی نی ایستهیمیز، لیکن محدود قیلووچی پالیسیلر نینگ لغو بولیشی کیرهک.»
بیزلرنینگ توییترده هم تعقیب قیلینگ!
افغانستان ده بیرلشگن ملتلر تشکیلاتی نینگ باش کاتبی مخصوص نمایندهسی، اوشبو مملکتدهگی جاری انسانی بحراندن خواطر بیلدیریب و کوپهیتیریشیچه، مذکور بحراندن چیقیش اوچون دنیا یاردملری نینگ ارایه بولیشی نیاز دیر.
شونینگدیک روزا اوتونبایوا نینگ اورغولشیچه، بیرلشگن ملتلر تشکیلاتی اوشبو وضعیت نینگ حل بولیشی اوچون، افغانستان ده کمیده ۲۸ میلیون کیشی گه یاردم بیریش نی نظر گه آلگن.