افغانستان ده رادیو فعالیتی باشله‌نیشیدن ۹۷ ییل اوتماقده. اوشبو مدت ایچیده اینیقسه اوتگن ایکی سنه ده، مملکت بویلب کوپ سانده رادیولر فعال بولدی؛ بیراق جمهوریت توزومی قوله‌شیدن کیین، اقتصادی قیینچیلیک و اسلام امیرلیگی تامانیدن یره‌تیلگن چیکلاولر باعث کوپ سانده رادیولر غیر فعال بولگن.
آگاه منبع‌لر نینگ معلوماتی اساسیده، اوتگن بیر یریم ییل ده مملکت نینگ شمال و شمال‌شرقی ولایت‌لریده ۱۸ رادیو غیر فعال بولگن. فاریاب ده ایکی رادیو، جوزجان ده بیر رادیو، سمنگان ده ایکی رادیو، بغلان ده ایکی رادیو، تخار ده تورت رادیو و قندوز ده بیش رادیو نینگ فعالیتی توخته‌گن.
بلخ، سرپل و بدخشان، هیچ بیر رادیو غیر فعال بولمه‌گن ولایت‌لردن سنله‌دی.
سمنگان ده افغانستان خبرچیلر مصونیتی کمیته نماینده‌سی سیدمجتبا مصلح و بغلان ده افغانستان خبرچیلر مصونیتی کمیته نماینده‌سی عبدالوحید وحدت، مذکور ولایت‌لرده رادیولر نینگ غیر فعال بولیش سببینی اقتصادی قیینچیلیک عنوان قیله‌دیلر.
بیزلرنینگ فیسبوک صحیفه‌میزگه باش اورینگ!
سمنگان ده افغانستان خبرچیلر مصونیتی کمیته نماینده‌سی سیدمجتبا مصلح نینگ سلام‌وطندار گه ایتیشیچه: «سونگی سیاسی اوزگریش و اسلام امیرلیگی حاکمیتیدن کیین، سمنگان ده قطار میدیالر اینیقسه رادیولر غیر فعال بولدی، فعال‌سیز بولیش سببی اقتصادی قیینچیلیک دیر، ایشلاوچیلری گه معاش بیره آلمه‌دیلر شونی اوچون فعالیت‌لری توخته‌دی.»
بغلان ده افغانستان خبرچیلر مصونیتی کمیته نماینده‌سی عبدالوحید وحدت گه کوره: «سونگی اوزگریش‌لرده بغلان ده ایکی رادیو نینگ فعالیتی توخته‌گن، فعال بولگن میدیالر اقتصادی قیین احوال ده دیر، حاضرگی وضعیت دوام ایتگن تقدیرده قالگن رادیولر هم غیر فعال بولیشی ممکن.»
فاریاب ده تمنا رادیو مسئولی و محلی میدیالر نماینده‌سی فیروز غفوری نینگ سلام‌وطندار گه ایتیشیچه، اوشبو ولایت ده فعال رادیولر اقتصادی قیینچیلیک بیلن روپه‌ره بولیب و کیچیک تجاری ریکلام‌لر بیلن خرجت‌لرینی تأمینلب فعالیت قیلماقده‌لر.
اونینگ کوپه‌یتیریشیچه، فاریاب ده فعال رادیولر گه دقت قیلینمه‌گن تقدیرده، اقتصادی قیینچیلیک باعث فعالیت‌لری توخته‌شی ممکن.
فیروز غفوری نینگ ایتیشیچه: «فاریاب ده رادیولر احوالی خواطرلی دیر، اوشبو ولایت ده نیچه میدیا غیر فعال بولگن، میدیالر گه پروژه بیره‌دیگن نهادلر فعالیت قیلمه‌یدی و خصوصی رسانه‌لر گه دقت قیلینیشی لازم.»
بیزلرنینگ توییترده هم تعقیب قیلینگ!
رادیو دن قولی شکلده فایده‌لنه آلیش اوچون، اوشبو میدیا هردایم اوز مخاطب‌لرینی سقلب کیلگن.
بلخ دن بهشته نینگ سلام‌وطندار گه ایتیشیچه: «اولکه یشاوچیلری، تلویزیون و باشقه میدیالردن فایده‌لنه آلمسه‌لر کوپراق رادیو دن قوللنه‌دیلر اینیقسه موتر هیداوچیلر و یولاوچیلر کوپراق فایده لنه‌دیلر.»
وفاریاب دن صلاح‌الدین گه کوره: «رادیو علاقه‌مندلری کوپ دیر، رادیولر غیر فعال بولمسلیگی اوچون اسلام امیرلیگی قوللب_قوتلشی کیره‌ک.»
باشقه تاماندن ولایت‌لر نینگ معلومات و مدنیت ریاست‌لری مسئوللری، رادیولر گه کوپراق دقت قیلینیشیدن ایشانچ بیره‌دیلر.
تخار معلومات و مدنیت ریاستی نینگ آمری خلیل‌الله امینی و فاریاب ولایتی معلومات و مدنیت ریاستی نینگ کلتور و سیاحت ایشلری بوییچه آمری عبدالله مرادی نینگ سلام‌وطندار گه ایتیشلریچه، اسلام امیرلیگی رادیولر گه کوپ دقت قیله‌دی و اقتصادی قیینچیلیک بیلن دوچ رادیولر هردایم معلومات و مدنیت ریاست‌لری تامانیدن قوللب_قوتلنگن.
تخار معلومات و مدنیت ریاستی نینگ آمری خلیل‌الله امینی نینگ کوپه‌یتیریشیچه: «معلومات و مدنیت ریاستی هردایم محلی رادیولرنی قوللب_قوتلب کیلگن و اسلام امیرلیگی قاعده‌لری اساسیده فعالیتی بولگن میدیالر بیلن همکارلیک قیله‌میز.»
فاریاب ولایتی معلومات و مدنیت ریاستی نینگ کلتور و سیاحت ایشلری بوییچه آمری عبدالله مرادی گه کوره: «اسلام امیرلیگی، حاضرگی حکومت قاعده‌لری اساسیده فعالیتی بولگن محلی رادیولردن حمایت قیله‌دی و رادیولر نینگ نشراتی اوچون هیچ قنده‌ی توسقین‌لیک یوق دیر.»
عین‌حالده، اوتگن بیر یریم ییل ده، افغانستان بویلب ۴۸ رادیو غیر فعال بولگن و فعال رادیولر هم جدی اقتصادی قیینچیلیک بیلن روپه‌ره‌دیر.
