ایکی ییل آلدین افغانستان اسلامی امارت و آمریکا بیرلشمه ایالتلری آره‌سیده یولگه قوییلگن اوچره‌شوولر نتیجه‌سیده، دوحه بیتیمی امضالندی. مذکور کیلیشوو ۲۰۲۰_ییل ۲۹_فبروری یا_ده ۱۳۹۸_ییل ۱۰_حوت‌ده قطر پایتختی دوحه ده امضا بولگن ایدی.
شونده‌ی بیرحالده، سیاسی ایش بیلرمانلردن قطاری نینگ سلام‌وطندار گه ایتیشیچه، ایکی تامان کیلیشوو اساسیده عمل قیلمه‌گن‌لر. سیاسی ایش بیلرمانلردن جاوید مومند، اوشبو کیلیشوونامه عملی بولیشی و ایجابی نتیجه بیریشی گه امیدوار دیر اما ایتیشیچه، مذکور کیلیشوونامه بوتونلی عملی بولمه‌گن تقدیرده، یامان عاقبت لرگه سبب بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «مذکور بیتیم درست شکلده عملی بولمه‌گن صورت‌ده، یخشی نتیجه بیرمه‌ی و بیزلر دنیا جماعه‌سی نینگ باسقینی آستیده قرار تاپیشیمیز ممکن. آمریکا اوزی گه تیگیشلی ماده‌لر نینگ عملی قیلمه‌گن صورت‌ده، دنیا جماعه‌لریده بو مملکت‌لرنینگ اسملری ایتیلیب و اوشبو مملکتلر باسقین آستیده قالیشلری ممکن.»
شونده‌ی بیرحالده، سیاسی ایش بیلرمانلردن باشقه بیری فضل‌الرحمان اوریا نینگ ایتیشیچه، اسلامی امارت دوحه بیتیمی نی بوتونلی عملی قیلگن. بیراق اونینگ ایشانچی گه کوره، آمریکا مذکور بیتیم نینگ اونملی بولیم‌لری نی عملی قیلیشدن واز کیچگن.
جناب اوریا نینگ ایتیشیچه، اسلامی امارت کوچلری اوروشمسدن کابل گه کیریب و ارگ و باشقه دولت اداره‌لر بنالری نی کنترول گه آلدیلر. اونینگ اورغولشیچه، دوحه بیتیمی افغانستان اهالیسی نینگ‌منفعتی گه دیر؛ بیراق اونینگ کوپ بولیمی قالگن که عملی بولیشی کیره‌ک.
بیزلرنینگ توییترده هم تعقیب قیلینگ!
باشقه بیرتاماندن، دوحه بیتیمی ایکی ییللیگی عرفه‌سیده، افغانستان تینچ‌لیک بوییچه آمریکا نینگ سابق خاص نماینده‌سی زلمی خلیل‌زاد، ینگی بیاناتیده افغانستانده اوزاق مدتلی اوروش گه چیک قوییلیشیدن خورسندلیک بیلدیرگن.
خلیل‌زاد نینگ کوپه‌یتیریشیچه، افغانستان نینگ سابق حکومتی تینچ‌لیک پروسه‌سی نی سبوتاژ قیلمه‌گن صورت‌ده، بوتون موردلر درست شکلده آلغه باریشی ممکن ایدی و حاضر ایسه افغانستان یامان اقتصادی وضعیت گه روپه‌رو بولمه‌یدی.
