برلشگن ملتلر تشکیلاتی نینگ باش کاتبی آنتونی گوترش نینگ آگاهلنتیریشیچه، افغانستان یشاوچیلریدن میلیونلرچهسی اولیم عرفهسیده قرار تاپگن و اولرنینگ جانی و اوشبو مملکت اقتصادی نی قوتقریش اوچون پوللرنی قوللنیشی گه توسیق بولگن قانونلر تعلیق بولیشی کیرهک.
او، خبری بیر ییغینده اورغولشیچه، افغانستان سرمایهلری نینگ باغلنگنی اوشبو مملکت یشاوچیلری اوچون هلاکتلی عاقبتی بار و مذکور سرمایهلر نینگ آزاد ایتیلیشی اوچون بیر یول آخترهلیشی کیرهک.
بیرلشگن ملتلر تشکیلاتی باش کاتبی نینگ کوپهیتیریشیچه، عامه بولیمی و ساغلیک مراقبتلری، تعلیمی و باشقه حیاتی خذمت ارایه قیلووچی موسسهلر ایشلاوچیلری نینگ حقوقی تولنیشی اوچون خلق ارا مالی یاردملر گه رخصت بیریلیشی کیرهک.
بیزلرنینگ فیسبوک صحیفهمیزگه باش اورینگ!
شونینگدیک گوترش نینگ ایتیشیچه، افغانستان اقتصادی گه تیز بیر شکلده پول تزریق و میلیونلرچه کیشی نینگ آچلیک و قشاقلیگی گه سبب بولگن نابودلیککه توسیق بولیش اوچون کوپینچه سعی و حرکت قیلیش کیرهک. اونگه کوره، اقتصادی نابود بولیشدن توسیق بولیش اوچون بانکی تیزیم نی تیزلنتیریش و انسان دوستلیک عملیات نی فعال قیلیش کیرهکلی دیر و افغانستان مرکزی بانک کارکردی نینگ حفظ بولیشی کیرهک.
گوترش بیان قیلگن که اوتمیش ییل، بیرلشگن ملتلر تشکیلاتی و متحدلری افغانستانده ۱۸ میلیون کیشی گه یاردم بیرگنلر که ۶۰ فایز اوتمیش ییلدن آرتیق دیر. اونینگ اورغولشیچه، انسان دوستلیک عملیاتلر جدی شکلده کوپینچه پول گه نیازمند دیر.
شونینگدیک بوندن آلدین، بیرلشگن ملتلر تشکیلاتی دنیا جماعهدن افغانستانده انسانی فاجعه و اقتصادی قیینچیلیککه توسیق بولیش اوچون اوشبو مملکت گه یاردم بیریشلری نی سورهگن ایدی. بیرلشگن ملتلر تشکیلاتی نینگ ادارهلری ۲۰۲۲- میلادی ییلده افغانستان نیازمند یشاوچیلری اوچون ۴.۴ میلیارد دالر انسانی یاردم ایستهگن.