ایکی کون آلدین اسلامی امارت نینگ معارف وزیرلیگی بیر اعلامیه نشر قیلیب ایرکک اوقووچیلردن مکتبلرگه حاضر بولیشینی سورهگن ایدی، لیکن قیز اوقووچیلر سرنوشتلری حقیده قرار قیلمهگن و معارف وزیرلیگی نینگ قراری بیرقطار واکنشلر بیلن روپهره بولگن.
بیزلرنینگ فیسبوک صحیفهمیزگه باش اورینگ!
افغانستان موج تحول حزبی مسووللری نینگ ایتیشلریچه، قیزلرنی تعلیم کوریشدن محروم قیلیش قبوللنمهیدی و اسلامی امارتنی بوتوغریده دقت قیلیشی کیرهک.
بوگون “یکشنبه” موج تحول حزبی مسوولی فوزیه کوفی نینگ خبری بیر ییغینده ایتیشیچه، مکتبلرنینگ اوقیتووچیلری، اوقووچیلرنی درسگه دوام بیریشگه تشویق قیلیب و مکتبلرنی قیته آچیلیشی اوچون سعی و حرکت قیلیشلری کیرهک.
خانم کوفی نینگ کوپهیتیریشیچه، طالبان گروهینی قیز اوقووچیلرگه تحصیل قیلیش اوچون رخصت بیریب و اولر مناسب محیط یرهتیشی لازم.
عینحالده، فعال عیاللردن بیرقطاری نینگ ایتیشلریچه، طالبان گروهی قیز اوقووچیلردن درسلریگه دوام بیریش اوچون دعوت قیلمهیش بیلن اولرنی گروگه آلیشنی ایستهیدی.
فعال عیاللردن بیری ترنم سعیدی نینگ اوشبو برنامهده ایتیشیچه، اسلامی امارت قیزلر و عیاللر اوستیگه فشار کیلتیریش بیلن آمریکا تامانیدن توختهتیلگن پوللرنی آزاد قیلیشنی ایستهیدی.
بیزلرنینگ فیسبوک صحیفهمیزگه باش اورینگ!
شونینگدیک، بالهلرنی قوتقریش تشکیلاتی هم بیر اعلامیه نشر قیلیب قیزلرگه تعلیم کوریش اوچون رخصت بیریلمهگن صورتده، اولرنینگ اساسی حقلری نقض ایتیلیشی نی بیلدیرگن ایدی.