بیرلشگن ملتلر تشکیلاتی‌نینگ تعلیم، بیلیم و فرهنگ تشکیلاتی (یونسکو) افغانستانده هر ۱۰ باله دن آلتی باله و اوسمیر تعلیم و مکتب باریشدن محروم بولگنیدن خواطر بیلدیرگن بولسه‌ده؛ بیراق افغانستان معارف وزیرلیگی مسئوللری، یونسکو نینگ معلوماتینی تصدیق یا که رد قیلمسدن سۉنگی اوچ ییلده اسلام امیرلیگی تامانیدن مملکت مقیاسیده مینگلب باله و اوسمیر گه تعلیم زمینه‌سی یره‌تیلگنینی اېته‌دیلر.
اوشبو وزیرلیک سۉزلاوچیسی منصوراحمد حمزه سلام‌وطندار بیلن اۉتکزگن صحبتیده، معارف وزیرلیگی افغانستان مقیاسیده معارف ساحه‌سیده‌گی برچه کمچیلیک‌لرنی تولدیریش اوچون سعی-حرکت قیلماقده‌لیگینی اېتگن.
اونگه کوره: «معارف وزیرلیگی هردایم مملکت مقیاسیده بوتون یشاوچیلر اوچون تعلیم و تربیه‌لش زمینه‌سینی یره‌تیش گه سعی-حرکت قیلگن، حاضرگی کونده ۱۸ مینگ ۳۰۰ مکتب فعال دیر و عادی طرزده اوقووچیلر درس اوقیماقده‌لر؛ سۉنگی اوچ ییلده ۳۰۰ دن آرتیق مکتب قوریلگن و تورت مینگ دن کوپراق خصوصی مکتب، بو وزیرلیک مملکت مقیاسیده حتا قیشلاق‌لرده هم اوقووچیلر اوچون تعلیم زمینه‌سینی یره‌تیش گه تلاش قیلماقده.»
معارف وزیرلیگی سۉزلاوچیسی نینگ کوپه‌یتیریشیچه، بو وزیرلیک مکتب‌لر یانیده مملکت بویلب همکار موسسه‌لر نینگ یاردمی بیلن سکیز مینگ دن آرتیق محلی صنف‌لر و یوزلب سواد اورگه‌تیش کورس‌لرنی ایجاد اېتگن.
بیزلرنینگ فیسبوک صحیفه‌میزگه باش اورینگ!
حاضرگی کونده، افغانستان مقیاسیده ۱۱ میلیون دن آرتیق باله و اوسمیر تعلیم بیلن مصروف دیېدی، معارف وزیرلیگی سۉزلاوچیسی منصوراحمد حمزه.
بیراق، بیرلشگن ملتلر تشکیلاتی‌نینگ تعلیم، بیلیم و فرهنگ تشکیلاتی «خلق‌ارا تعلیم احوالی» آتیده ترقه‌تگن گزارشیده، افغانستان و نایجریا ده هر ۱۰ باله دن آلتی باله مکتب باریشدن محروم‌لیگینی بیلدیرگن.
اوشبو تشکیلات، تعلیم ساحه‌سیده‌گی کمچیلیک‌لر و عایله‌لرنینگ کمبغل‌لیگینی، بو ایکّی مملکت‌ده باله‌لر و اوسمیرلرنینگ مکتب‌دن محروم قالیش مهم عامللریدن عنوان قیلگن.
بیزلرنینگ «ایکس» ترماغی ده هم تعقیب قیلینگ!
باله‌لری مکتب بارمه‌یدیگن عایله‌لردن بیرقطاری، امکانیت‌سیزلیک و کمبغل‌لیک‌لرینی، باله‌لری تعلیم‌دن محروم قالیش دلیلی عنوان قیله‌دیلر.
بدخشان ولایتی ارگو تومنی یشاوچیسی علی نینگ ایتیشیچه: «اقتصاد ضعیف اېدی، عایله احتیاجینی اۉزیم تأمینلش گه مجبور بولدیم چونکه باشقه هېچ کیمیمیز یوق و مکتب باره آلمه‌دیم، مکتب هم اوزاق اېدی مجبورلیکدن چاره قیله‌میز. مکتب باریش زمینه‌سی یره‌تیلسه جوده هم خورسند بوله‌میز.»
شونینگدیک، غزنی یشاوچیسی گه کوره: «اۉزیم و باشقه ایناغه‌لریم اېچکی و قوی باقیش بیلن مصروف میز، چونکه اېچکی و قویی‌میز کوپ. مکتب باریشنی اېسته‌یمن حیات احتیاجلرینی یونگ و سوت ساتیش بیلن تأمینله‌ماقده‌میز.»
یونسکو نینگ معلوماتی اساسیده، حاضرگی کونده دنیا مقیاسیده ۲۵۰ میلیون باله و اوسمیر تعلیم‌دن محروم دیر اولر ارا ۱۲۹ میلیونی اوغیل و ۱۲۲ میلیونی قیزلر دیر.
