افغانستان خلقی گه انسان پرورلیک یاردم‌لرنی جلب قیلیش مقصدیده بیرلشگن ملت‌لر تشکیلاتی، بریتانیا، آلمان و قطر میزبان‌لیگی بیلن اوتکزیلگن خلق‌ارا ییغین، ۲.۴ میلیارد دالر یاردم وعده بیریلیشی بیلن یکونلندی. اوشبو ییغین اوتگن کونی «۲۰۲۲ افغانستان کنفرانسی» عنوانی آتیده سوئیس‌ده یولگه قوییلگن ایدی و مذکور ییغینده خلق‌ارا تشکیلات و ۴۱ مملکت نماینده‌لری اشتراک ایتگن ایدیلر. بو ییغینده اسلامی امارت دعوت بولمه‌گن.
بوندن آلدین بیرلشگن ملت‌لر تشکیلاتی، افغانستان‌ده بشری بحران حلی اوچون، ۴.۴ میلیارد دالر یاردم سوره‌گن ایدی. اوتگن کونگی ییغینده «اسلامی امارت نینگ ایشلری اینیقسه آلتینچی صنف‌دن یوقاری قیزلر نینگ مکتب‌لری یاپیلیشی» باعث، بیرلشگن ملت‌لر تشکیلاتی نینگ طلب قیلگن پولی‌دن یالغیز یریمی بیریلیشی وعده قیلینگن.
بیزلرنینگ فیسبوک صحیفه‌میزگه باش اورینگ!
بریتانیا ۲۸۶ میلیون پوند (۳۷۵ میلیون دالر)، آلمان ۲۰۰ میلیون یورو (۲۲۱ میلیون دالردن آرتیق)، اروپا اتفاقی ۱۱۳ میلیون یورو (۱۲۸ میلیون دالر)، آمریکا ۲۰۴ میلیون دالر، قطر ۲۵ میلیون دالر و مذکور ییغینده اشتراک ایتگن باشقه بیرقطار مملکت‌لر افغانستان خلقی گه انسان پرورلیک یاردم بیریش‌لریدن ایشانچ بیلدیرگن‌لر. بو ییغینده پاکستان افغانستان خلقی گه نقد یاردم بیریشینی وعده قیلمه‌گن.
یاردم بیرووچی مملکت‌لر نینگ ایتیشلریچه، بو یاردم‌لر بیرلشگن ملت‌لر تشکیلاتی نینگ آژانس‌لری گه بیریلیشی کوتیله‌دی و هیچ زمان اسلامی امارت گه بیریلمه‌یدی. شو بیلن بیرگه، بیرلشگن ملت‌لر تشکیلاتی نینگ باش کاتبی آنتونیو گوترش، اوشبو ییغین باشله‌نیشی بیاناتیده، افغانستان ده‌گی قانلی وضعیت آلدی آلینیشی گه تأکیدلب و اسلامی امارت‌دن قیزلر نینگ مکتب‌لرینی یاپگن‌لری اوچون تنقید ایتگن.
بیزلرنینگ توییترده هم تعقیب قیلینگ!
جناب گوترش، یاردم بیرووچی مملکت‌لردن حاضرگی قلتیس شرایط‌ده افغانستان خلقی برابری‌ده بی فرق بولمسلیکلرینی سوره‌گن. اونگه کوره، افغانستان خلقی نینگ قریب ۹۵ فایزی ییترلی ییگولیک آزیق-آوقت‌لری یوق و ۹ میلیونی قحط‌لیک خوفی بیلن روپه‌رو دیر.
بیرلشگن ملت‌لر تشکیلاتی باش کاتبی نینگ کوپه‌یتیریشیچه: «تیز اقدام بولمه‌گن تقدیرده، بیز افغانستان‌ده آچرچیلیک و توییب آوقت‌لنمسلیک بحرانی بیلن روپه‌رو میز. حاضر اهالی عایله‌لرینی تأمینلش اوچون فرزندلری و بدن اعضالرینی ساتیش گه مجبور بولگنلر.»
