«۵ یا_ده ۶ ییل‌دن بیری ایشله‌یمن و کیچیک یاش‌دن ایشلماققه باشلدیم.» ییللردن بویان کابل شهریده قول اوستیده سودا ساته‌دیگن ۱۴ یاشر شاکر نینگ ایتیشیچه، اوچ ایناغه‌سی بار و ایناغه‌لری بیلن اوی مصرف‌لری نی تامین‌لش اوچون بوت رنگ قیلیب و قول اوستیده سودا ساته‌دیلر.
شونینگدیک اوی مصرف‌لری نی تامین‌لش اوچون بوت رنگ قیله‌دیگن ۱۰ یاشر مطیع‌الله نینگ ایتیشیچه، هر کون کمیده ۵ دانه نان نینگ پولی نی تاپه‌دی. اونینگ کوپه‌یتیریشیچه: «۱۰ یاشر مین و شهرده بوت رنگ‌له‌یمن، کونده ۵۰ یا_ده ۶۰ افغانی قولگه کیلتیره‌من و هر کون اویگه ۵ دانه نان آلیب باریشیم کیره‌ک.»
بیزلرنینگ توییترده هم تعقیب قیلینگ!
باشقه بیر تاماندن، کابل شهریده سرکلردن بوتل ییغه‌دیگن ۱۲ یاشر یارمل و حکمت، بوتل‌لر نینگ ساتیش بیلن اوی مصرف‌لری نی قول گه کیلتیره‌دی.
یارمل و حکمت نینگ ایتیش‌لریچه، ایش‌دن چرچه‌گنلر و مملکت‌ده یخشی شرایط حاکم بولیب، تعلیم و درس اوقیش بیلن بوتون آرزو‌لری گه ییتیشیشلری خصوصیده امیدوارلر.
یارمل نینگ ایتیشیچه: «بوتل ییغه‌من و کونده ۷۰ الی ۸۰ افغانی بوله‌دی، وضعیت یامان دیر حاضر ایسه برچه نیازمند بولگن. مین هم اوی کرایه‌سی گه یاردم بیریش اوچون ایشلماققه مجبورمین. ایش قیلمه‌ی درس اوقیب کیله‌جگده داکتر بولیش نی ایسته‌یمن.»
شونینگدیک حکمت نینگ ایتیشیچه: «ایکی ایناغه‌میز و ایکی‌میز هم ایشله‌یمیز، یخشی‌راق ایش هم یوق بیراق ایشلماق اوچون مجبور‌میز.»
مذکور باله‌لر کابل شهریده سرکلرده ایش بیلن شغل‌لنگن اونلرچه باله‌لرده دیر، بیراق ایتیلیشچه، بو رقم کوپه‌یماقده و مملکت‌ده یوز بیرگن اوزگریش‌لردن کیین، ایش قیله‌دیگن باله‌لر سانی کوپه‌یگن.
بوتوغریده مدنی فعال اسدالله فرقانی نینگ ایتیشیچه: «کابل شهری نینگ سرکلریده یوریگنیم پیتده، باله‌لردن کوپ قطاری یاردم ایسته‌یدیلر، جماعه نینگ بو وضعیتی حقیقتاً انسان نی کوپ جگرخون قیله‌دی، قیغو بیلن اوشبو وضعیت نینگ حل قیلیش اوچون هیچ حل یول یوق.»
بیزلرنینگ فیسبوک صحیفه‌میزگه باش اورینگ!
اجتماعی ایشلری بوییچه ایش وزیرلیگی بوتوغریده ایتیشیچه، باله‌لر حقوقی اوچون طرزالعمل‌لر و قانون‌لر ایجاد بولگنی بیرحالده، بیراق افغانستان باله‌لری خواطرلنتیرووچی بیر وضعیت‌ده حیات کیچیره‌دیلر.
بوگون خلق‌ارا باله‌لر ایشی گه قرشی کونی ایدی؛ بیراق قشاقلیک کوپه‌یگنی بیلن، افغانستان ده ایشچی باله‌لر سانی کوپه‌یگن. ایشچی باله‌لر گه کوره، عایله مصرف‌لری نی تیارلش اوچون، آغیر ایشلر نینگ انجام بیریش گه مجبورلر.
