غور ده قشاق کیشی‌لردن بیرقطاری، اوشبو ولایت ده انسان پرورلیک یاردم‌لر کیسیلیشی بیلن انسانی فاجعه یوز بیریشیدن آگاه‌لنتیریب ایتیشلریچه، قیین احوال ده قالیب حتا ییگولیک ویاقیلغی ماده‌لری یوق دیر.
فاریاب دن فیروز کوه شهری گه آوار بولیب کیلگن ۳۶ یاشر غلام‌حضرت، قشاقلیک و اقتصادی قیینچیلیک دن نالیب ایتیشیچه: «تیریکچیلیگیمیز جوده هم یامان دیر؛ ییگولیک نرسه‌میز یوق، اوشبو مدت‌گچه مؤسسه‌لر یاردم بیرگنی یوق؛ حیران قالگن‌میز، ییگولیک و یاقیلغی ماده‌میز و باشقه هیچ نرسه‌میز یوق.»
قشاقلیک و اقتصادی قیینچیلیک بیلن تیریکچیلیک قیلیب کیله‌یاتگن یالغیز غلام‌حضرت ایمس، بلکه مذکور ولایت ده باشقه یوزلب عایله، شونده‌ی بیر احوال ده حیات کیچیرماقده‌لر.
بیزلرنینگ فیسبوک صحیفه‌میزگه باش اورینگ!
احساس نهادی اعضالریدن حبیب‌الرحمان وحدت، غور ده کمبغل و محتاج کیشی‌لر گه ییگولیک و یاقیلغی ماده توزیع قیلماقده، سلام‌وطندار گه ایتیشیچه، انسان پرورلیک یاردم‌لر کیسیلیشی بیلن، محتاج عایله‌لر تورلی خیل قیینچیلیک‌لر بیلن روپه‌ره بولیشی ممکن.
اونینگ ایتیشیچه: «قیش ده کمبغل عایله‌لر نینگ قیینچیلیگی نیچه برابر بوله‌دی، بولر نینگ قیینچیلیگیگه قوشیمچه خلق‌ارا مؤسسه‌لر انسان پرورلیک یاردم‌لرینی توخته‌تگن، شونی اوچون ایچکی سوداگرلردن بوتوغریده دقت قیلیش‌لرینی ایسته‌یمیز، اگر دقت قیلینمسه تلف بولیش‌لری ممکن.»
غور ده‌گی محتاج کیشی‌لر، تیریکچیلیک وضعیت‌لریدن نالیماقده ایکن، خلق‌ارا آزیق_آوقات دستوری اوشبو ولایت ده انسان پرورلیک یاردم‌لرینی توخته‌تگن.
خلق‌ارا آزیق_آوقات دستوری دن بیر منبع اسمی سر قالیش شرطی بیلن سلام‌وطندار گه ایتیشیچه، سرک‌لرنی قوریش ده محلی مسئوللر تامانیدن انسان پرورلیک یاردم‌لردن ناتوغری فایده‌لنیش باعث، اوشبو برنامه اوز یاردم‌لرینی توخته‌تگن.
بیزلرنینگ توییترده هم تعقیب قیلینگ!
غور حاکمی سوزلاوچیسی عبدالواحد حماس، انسان پرورلیک یاردم‌لردن ناتوغری فایده‌لنیشنی رد قیلیب ایتیشیچه: «بوتوغریده ناتوغری گزارش بیریلگن، بیرلشگن ملت‌لر تشکیلاتی نینگ نماینده‌سی کیلیب تیکشیرگندن کیین، مسئوللر نینگ بو ایشگه قولی بولمسلیگی انیقلندی، بیرلشگن ملت‌لر تشکیلاتی نینگ نماینده‌سی و والی ارا مذاکره دوام ایتماقده، بو ایش باشله‌نیشی اوچون کیلیشیلگن.»
اوتگن بیر یریم ییل ده، اقتصادی قیینچیلیک و ایش‌سیزلیک باعث اولکه یشاوچیلری اوتگن ییل‌لر گه نسبتن بو ییل انسان پرورلیک یاردم‌لر گه کوپراق محتاج بولگنلر. ینگی‌لیکده بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری، افغانستان نینگ ۲۸ میلیون یشاوچیسی انسان پرورلیک یاردم‌لر گه محتاج‌لیگینی معلوم قیلگن.
