اسلام امیرلیگی باش وزیری نینگ اقتصادی اورین باسرلیگی «ایکس» صحیفهسیده بیر ویدیو ترقهتیش بیلن ایتیشیچه، حاضرگچه کابل شهری نینگ تورلی بولیملریدن ۴۸ مینگ ۱۱۹ تیلنچی توپلنگن.
مذکور اورین باسرلیک نینگ کوپهیتیریشیچه، توپلنگن تیلنچیلر آرهسیده ۱۴ مینگ ۸۱۳ عیال، ۷ مینگ ۵۸۰ ایرکک و ۲۵ مینگ ۷۶۲ باله شامل دیر.
اسلام امیرلیگی باش وزیری نینگ اقتصادی اورین باسرلیگی گه کوره، تیلنچیلر نینگ توپلش پروسهسی مملکت نینگ باشقه بیر قطار ولایتلریده هم باشلنگن دیر.
بیزلرنینگ «ایکس» ترماغی ده هم تعقیب قیلینگ!
عین حالده، کابل شهریدهگی تیلنچیلردن قطاری نینگ ایتیشلریچه، نیچه مرته موظف کمیته آرقهلی توپلنیب و بایومتریک بولگنلر، بیراق حاضرگچه سرپرست حکومت تامانیدن اولر گه هیچ قندهی یاردم صورت تاپمهگن.
کابل شهری نینگ سرکلریده تیلنچیلیک قیلهدیگن فاطمه، اقتصادی قیینچیلیکلردن صحبت قیلیب و ایتیشیچه، ایکی-اوچ مرته تیلنچیلر نینگ توپلهیدیگن کمیته آرقهلی بایومتریک بولگن، لیکن حاضرگچه هیچ قندهی یاردم قولگه کیلتیرمهگن.
اونینگ کوپهیتیریشیچه: «ایکی-اوچ مرته مینی آلیب کیتدیلر و بایومتریک قیلدیلر، بیراق ۱۰ افغانی یا ۵ افغانی هم بیرگنلری یوق که بونی آلیب یول کرایه قیل دیب. قیسی نهاد گه کیتهمیز دییهسیزلر بارهمن و ایتهمن که بیزلر گه اون افغانی هم یاردم بیرگن بولسهیزلر و یا بیرگن یاردملرینگیز یا-ده اون و یاغ نی کورستینگلر دیر.»
شونینگدیک کابل شهریدهگی تیلنچیلردن باشقه بیری گلنور نینگ ایتیشیچه، عمریدن یریمی نی اهالی خذمتی اوچون دولتی ادارهلردن بیریده اوتکزیب و ایشیدن تقاعد قیلگنیدن قریب آلتی ییل بولهر ایکن، بیراق اوچ ییلدن بیری تقاعدی توللنمهگنی و قشاقلیک سبب، تیلینچیلیک قیلیش گه مجبور بولگن.
ایکی ایاغی نی عسکری دوریده قولدن بیرگن مذکور ۶۵ یاشر کیکسه نینگ کوپهیتیریشیچه: «تقاعد قیلگن ایدیم و حاضر تقاعد هم یوق. تیلنچیلیک قیلیش گه مجبور بولدیم؛ اوتمیشده ۲۱۹ اکمالاتیده ایشلهر ایدیم و تقاعد قیلگنیمدن قریب آلتی ییل بولهدی. اوچ ییلدن بیری تقاعدیم کیلمهدی و عسکرلیکده ایکی ایاغیم سینیب و بو قیینچیلیک بیلن روپهره بولگنمین.»
بیزلرنینگ فیسبوک صحیفهمیزگه باش اورینگ!
مذکور تیلنچیلر اسلام امیرلیگیدن، تیلنچیلر خصوصیده بیریلگن سوزلر نینگ عمل گه آشیریلیب و اولر گه یاردم بیریلیشی نی ایستهگنلر.
نیچه مدت آلدین افغانی قیزیل آی جمعیتی مسئوللری ۵۰۰دن آرتیق عایله جملهدن تیلنچیلر گه یاردم بیرگنلری نی ایتگنلری بیرحالده، مذکور تیلنچیلر سرپرست حکومتی نینگ حمایت قیلمهسلیگیدن صحبت قیلهدیلر.
ینگی جزئیات توغریسیده افغانی قیزیل آی جمعیتی مسئوللری نینگ فکری نی آلیش ایستهدیک؛ بیراق کیتمه-کیت قونقیراغ بیلن موفق بولمهدیک.