امریکا جمهور باشلیغی جوبایدن، اوتگن کون (جمعه، ۴ سنبله) کابل هوا قونالغه‌سی یقینیده اویوشتیریلگن هوایی هجوم و اوشبو هجوم طفیلی ۱۳ امریکا عسکری اولیشی ییل‌لیگیدن ایسلش مناسبتی بیلن بیر بیانیه ترقه‌تیب ایتیشیچه، افغانستان ده عسکرلری بولمسه هم تروریست‌لرنی یوق ایتیش اوچون تلاش قیلماقده‌لر و امریکا گه زیان ییتکیزه‌دیگن تروریست‌لرنی، هرجای ده بولیشیگه قره‌مسدن آوله‌یدیلر.
امریکا جمهور باشلیغی نینگ کوپه‌یتیریشیچه: «مینگلب عسکرنی خطر گه روپه‌ره قیلمسدن، افغانستان بویلب تروریست‌لر گه قرشی تهدیدلر دوام ایتماقده دیر.»
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اوتگن ییلی مملکت بویلب اسلامی امارت سرپرست حکومتی ایکینچی مراتبه قدرت نی آلیشیدن کیین، اسلامی دولت (داعش) گه منسوب خراسان شاخه‌سی خلق‌ارا کابل هوایی قونالغه‌سی یقینیده بیرینچی قانلی هجوم‌نی اویوشتیردی.
بیزلرنینگ توییترده هم تعقیب قیلینگ!
گزارش‌لر اساسیده، میلادی اوتگن ییلی ۲۶ آگست ده امریکا قوشمه ایالت‌لری نینگ ییتکچیلیگیده افغانستان نی ترک ایتیش جریانیده اویوشتیریلگن هجوم ده، افغانستان‌لیک ۱۷۰ کیشی و ۱۳ امریکا عسکری هلاک بولگن ایدی.
