افغانستان ساغلیک وزیرلیگی مسئوللری نینگ ایتیش‌لریچه، بیرینچی باسقیچ ده «Covax Facility» نهادی دن ۱۶ میلیون کرونا واکسینی طلب قیلگنلر. مذکور نهاد گه ۱۷۲ مملکت اعضا دیر کیم بو نهاد دنیا گه کرونا واکسینی نی ترقه‌تیش خصوصیده سوزبیرگن.
ساغلیک وزیرلیگی نینگ ساغلیک خدمتلر ترقه‌تیش معینی وحید مجروح نینگ سلام‌وطندارگه ایتیشیچه، مذکور واکسین گه افغانستان اهالیسی‌دن ۲۰ فایزی شامل بوله‌دی.
جناب مجروح گه کوره، ۱۶ میلیون واکسین مملکت نینگ ۸ میلیون اهالیسی اوچون دیر. جناب مجروح نینگ ایتیشیچه، کیینگی باسقیچ‌لرده کوپینچه واکسین ایسته‌ش خصوصیده قرار قیلگنلر کیم ۲۰۲۱- ییل جریانیده ایکینچی باسقیچ ده مملکت یشاوچی‌لریدن ۲۰ فایزی فایده‌لنیشی ممکن.
مجروح نینگ کوپه‌یتیریشیچه، جاری فصل ده کابل و هرات ولایت‌لریده کرونا ویروس نینگ ایجابی واقعه‌لری کوپه‌یگن. ساغلیک وزیرلیگی مسئوللری نینگ ایتیش‌لریچه، کرونا ویروس نینگ آلدینی آلیش اوچون مذکور وزیرلیک تامانیدن تیاگرلیکلر آلینگن.
ساغلیک وزیرلیگی یشاوچی‌لردن ساغلیک موردلرنی نظرگه آلیش بیلن مذکور ویروس نینگ آلدینی آلیش اوچون ساغلیک مسئوللریگه همکار بولیش‌لرینی سوره‌گن.
