مملکت جمهور رئیسی محمد اشرف غنی نینگ بیر پیام آرقه‌لی ایتیشیچه، بیرینچی مرحله‌ده افغانستان خلقی نینگ ۲۰% و ایکینچی مرحله‌ده ۴۰% گه کرونا واکسینی تیارلنیشی ممکن.
جمهور رئیس محمد اشرف غنی، کرونا ویروسی نینگ ایکینچی موجی‌دن خلق‌نی آگاه‌لنتیریب و اولکه یشاوچی‌لریدن بو ویروس‌گه چلینمه‌یش‌لری اوچون ساغلیک دستورلرنی رعایت قیلیش‌لرینی سوره‌گن.
بوگون “شنبه” ساغلیق‌نی سقلش وزیرلیگی نینگ اعلان قیلیشیچه، اوتگن ۲۴ ساعت جریانیده کرونا ویروسی‌گه چلینگنلردن ۷ ته‌سی کابل، ۵ ته‌سی خوست، ۳ ته‌سی ننگرهار، ۱ ته‌سی پکتیا، ۱ ته‌سی بدخشان و ۱ ته‌سی بامیان ده هلاک ایتیلگن.
مملکت ده کرونا ویروسی گه چلینگنلر رقمی کوپه‌یگن بیرحالده، حکومت اوشبو ویروس واکسینی تیارلش اوچون سعی و حرکت قیلماقده.
ساغلیک وزیرلیگی گه کوره، حاضرگه‌قدر مملکت بوییچه کرونا ویروسی‌گه چلینگنلردن ۱ مینگ و ۸۶۵ کیشی هلاک بولگن.
ساغلیق‌نی سقلش وزیرلیگی نینگ اعلان قیلیشیچه، اوتگن ۲۴ ساعت جریانیده کرونا ویروسی دن ۲۵۳ ینگی ایجابی واقعه قید ایتیلگن.
شونینگدیک، هرات ولایتی بوییچه ساغلیق‌نی سقلش ریاستی سوزلاوچیسی محمد رفیق شیرزی نینگ ایتیشیچه، اوتگن ۲۴ ساعت جریانیده کرونا ویروسی‌گه شبهه‌لی ۸ کیشی هرات ولایتی شهید بسیم کسل‌خانه‌سیده جان بیرگن.
