هرات ساغلیک ریاستی نینگ معلوماتی اساسیده، کرونا ویروس نینگ ایکینچی تولقینی ییتیب کیلیشی بیلن، کرونا کسللیگی باعث جان بیرگنلر رقمی کونسایین کوپه‌یماقده.
هرات ساغلیک ریاستی تامانیدن ترقه‌تیلگن معلومات اساسیده، اوتگن ۱۵ کونده هرات شهری نینگ کرونا گه خاص شهید بسیم کسلخانه‌سیده، ۸۲ کسل دنیا دن اوتگن.
هرات ساغلیک ریاستی سوزلاوچیسی محمد رفیق شیرزی، بو رقم نی تصدیق‌لب آگاه‌لنتیریشیچه، اهالی ساغلیک دستورلرنی رعایت قیلمه‌گن بیرحالده، تلفات و چلینگنلر رقمی دولت و ساغلیک وزیرلیگی نینگ نظارتیدن چیقیشی ممکن.
جناب شیرزی، کرونا ایکینچی تولقینی نینگ تلفات رقمی نی خواطرلنتروچی دیگن. اونگه کوره، کرونا ویروس گه شبهه‌لی کیشی‌لردن آلینگن تست‌لر اساسیده، جان بیرگن‌لردن کوپینچه‌سی نینگ کرونا تستی مثبت انیق‌لنگن.
جناب شیرزی کرونا نینگ ایکینچی تولقینی ییتیب کیلیشی بیلن، کرونا گه چلینگن کیشیلرنینگ رقمی کوپه‌یشیدن آگاه‌لنتیریب و آلینگن تست‌لردن ۵۰ فایزدن آرتیغی ایجابی انیق‌لنگن دیدی.
عین حالده، ساغلیک وزیرلیگی نینگ ترقه‌تگن گزارشلریگه کوره، اوتگن ۲۴ ساعتده کرونا گه چلینگن۱۰ کسل جان بیرگن و شونینگدیک ۲۶۰ کیشی بو ویروس گه چلینگن.
ساغلیک وزیرلیگی سوزلاوچیسی معصومه جعفری نینگ ایتیشیچه، مملکتده کرونا ویروسی باعث جان بیرگنلر رقمی ۱ مینگ و ۸۷۵ کیشی گه کوپه‌یگن.
شونده‌ی بیر حالده، ساغلیک وزیرلیگی اهالیدن ساغلیک دستور‌لری نینگ رعایت قیلیش‌لرینی سوره‌گن.
