فاریاب ساغلیک ریاست مسئوللری نینگ ایتیش‌لریچه، اوتگن بیر هفته‌ده فاریاب ده کرونا ویروس نینگ ایکینچی تولیقنی باشلنگن.
فاریاب ساغلیک ریاست باشلیغی نعیم مصمم نینگ سلام‌وطندارگه ایتیشیچه، بو ولایتده کرونا ویروس نینگ ایکینچی تولقینی باشلنگن و بو ویروس گه چلینگنلر رقمی کونسایین کوپه‌یماقده.
جناب مصمم گه کوره، اوتگن بیر هفته ده بو ولایتده ۲۰ کیشی کرونا ویروس گه چلینگن.
جناب مصمم نینگ کوپه‌یتیریشیچه، اهالی نینگ ساغلیک موردلرگه دقت قیلمه‌یشی خواطرلی دیر و اهالی ساغلیک موضوع‌لرگه توجه قیلمه‌گن صورتده، بو ویروس کینگه‌یشی ممکن.
فاریاب ده کووید ۱۹ کسلخانه مسئولی داکتر زمان اعظمی نینگ ایتیشیچه، بو کسلخانه‌ده فاریاب نینگ هر منطقه‌سیدن کسل موجود و بو کرونا ویروس نینگ ایکینچی تولقینی نینگ باشلنگنی نی کورسته‌دی.
باشقه بیر تاماندن فاریاب کووید ۱۹ کسلخانه‌سیده درمان آستیده بولگن کسل‌لردن ایکی ته‌سی نینگ سلام‌وطندارگه ایتیش‌لریچه، ساغلیک موضوع‌لرنی رعایت قیلمه‌یشی باعث کرونا گه چلینگنلر.
اولرگه کوره، کمیده ۱۳ کوندن بویان درمان آستیده قرار تاپگنلر و بو پیتده کوپینچه قیینچلیک‌لرنی کورگنلر.
مذکور کسل‌لر اهالیدن کرونا ویروس نی جدی آلیب و ساغلیک موضوع‌لرگه دقت قیلیش‌لرینی سوره‌شگن.
فاریاب ساغلیک ریاست مسئوللری گه کوره، کرونا ویروس نینگ ایکینچی تولقینی نی آلدینی آلیش اوچون گاوجوم ییرلرنینگ باغله‌نیشی نی سوره‌شگن.
