افغانستان بویلب اسلامی امارت حاکمیت نی قولگه آلیشیدن کیین، اوشبو مملکتده سیاسی، اقتصادی و اجتماعی بحران‌لر کونسه‌یین کوپه‌یماقده، اوشبو مدت جریانیده افغانستان وضعیتی خصوصیده منطقه‌وی و جهانی ایریم ییغین‌لر اوتکزیلدی.
ینگی لیکده، اتریش پایتختی ویانا ده، افغانستان سابق حکومتی نینگ سیاسی سیمالری و مدنی جماعه‌چیلیک فعاللریدن قطاری ییغین اوتکزدیلر.
اتریش‌لیک قطار نهادلر میزبان‌لیگی بیلن اوتکزیلگن مذکور ییغینده، افغانستان نینگ سابق سیاسی سیمالری و مدنی جماعه‌چیلیک فعاللری، افغانستان ده‌گی قیینچیلیکلر، سیاسی یول آرقه‌لی حل ایتیلیشی اوستیگه تأکید ایتدیلر.
مذکور ییغینده افغانستان نینگ حاضرگی حکومتی گه قرشی کوره‌شیب کیله یاتگن مقاومت جبهه‌سی رهبری احمد مسعود، دنیا جماعه‌چیلیگیدن افغانستان نینگ حاضرگی حکومتی اوستیگه باسیم کیلتیریشینی سوره‌یدی.
بیزلرنینگ فیسبوک صحیفه‌میزگه باش اورینگ!
بو ییغین ایریم مخالف و موافق‌لر بیلن همراه بولگن.
مذکور ییغینگه قرشی، غربی مملکت‌لرده‌گی افغان‌لردن قطاری، ناراضی‌لیک همایش اوتکزیب اوز قرشی‌لیکلرینی بیان قیلدیلر.
سابق حربی‌لردن و اعتراضچی سرور نیازی نینگ ایتیشیچه: «بولر افغان‌لر نماینده‌لری ایمس دیر، بلکه افغانستان نینگ دشمن‌لری دیر، بولر افغانستان نینگ حاضرگی وضعیتی اصلی عامل‌لری دیر.»
برچه‌سی بیلن، سیاسی ایش بیلرمان محمود اضطرابی نینگ ایشانچی گه کوره، افغانستان ده‌گی قیینچیلیکلر حلی اوچون بو گَل ییغین‌لر اوتکزیلیشی مهم دیر. اونگه کوره: «موجود قیینچیلیکلر حلی اوچون بو گَل ییغین‌لر اوتکزیلیشیگه امیدوار من، افغانستان نینگ مشکلی کوپراق تشقری دن دیر، چونکه قطار مملکت‌لر افغانستان نینگ ایشلری گه اره‌لشه دی، فکریمچه بو بیرینچی آدیم، بو ییغین‌لر دوام ایتگن تقدیرده، تاثیری بولیشیگه ایشانه من.»
بیزلرنینگ توییترده هم تعقیب قیلینگ!
باشقه تاماندن، شانگهای تشکیلاتی گه اعضا مملکت‌لر نینگ ۲۲_ دور ییغینی، که افغانستان وضعیتی محاکمه قیلینگن، اوتگن کون (جمعه، ۲۵ سنبله) اوزبیکستان نینگ سمرقند شهری ده یکونلندی.
مذکور ییغین یکونیده، افغانستانده همه شمول حکومت شکللنیشی، تروریزم و بنگی‌وار ماده‌لر گه قرشی کوره‌ش اوستیگه تأکید ایتیلگن.
سیاسی ایش بیلرمان طارق فرهادی نینگ ایتیشیچه: «شانگهای تشکیلاتی گه اعضا مملکت‌لر، اسلامی امارت بیلن تعامل قیلیش ده، اوشبو قطعنامه دن قوللنه‌دیلر، چونکه قول قوییشگن و مجبورلر.»
عین‌حالده، اوتگن بیر ییل ده افغانستان ده همه شمول حکومت شکللنیشی و انسان حقلری رعایت ایتیلیشی خصوصیده ایریم باسیم‌لر بیلن، اسلامی امارت دنیا همجمعیت و منطقه مملکت‌لر نینگ باسیم‌لریگه تن بیرمه‌گن.
