افغانستان ده دموکراسی یوق‌لیگی و بشری حقوق نقض ایتیلیشی باعث، سیاستچیلردن قطارینی اتریش پایتختی وین ده ییغین اوتکزیش گه مجبورلنتیرگن. اوشبو ییغین ۱۵ سپتامبر ده، ۳۱ کیشی نینگ اشتراکی بیلن اوتکزیلیشی کوتیله‌دی.
مذکور ییغینده چقیریلگنلردن بیری عالیه یلماز، اوشبو ییغین آجنداسی خصوصیده سلام‌وطندار گه ایتیشیچه، بو ییغینده اشتراک ایته‌دیگنلر افغانستان ده قیته دن دموکراسی نظام شکللنیشی اوستیگه بحث ایتیش‌لری ممکن. خانم یلماز گه کوره، مذکور ییغینده افغانستان نینگ سیاستچیلری، دنیا مملکت‌لری نینگ نماینده‌لری و خلق‌ارا نهادلردن قطاری نینگ فعاللری، اشتراک ایتیش‌لری کوتیله‌دی.
بیزلرنینگ فیسبوک صحیفه‌میزگه باش اورینگ!
عالیه یلماز نینگ ایتیشیچه: «افغانستان وضعیتی گه دایر اوشبو ییغینده، قطار مملکت‌لر نینگ نماینده‌لری اشتراک ایته‌دیلر. شونینگدیک خلق‌ارا نهادلر نینگ فعاللری، دموکراتیک بیر نظام تشکیلی و افغانستان خلقی نینگ حقوقی تأمین ایتیلیشی اوچون چقیریلگنلر.»
برچه‌سی بیلن، سیاسی فعال و اوشبو ییغینده چقیریلگنلردن بیری احمد سعیدی نینگ سلام‌وطندار گه ایتیشیچه، او شخصی قیینچیلیگی باعث ویانا ییغینیده اشتراک ایته آلمه‌یدی.
جناب سعیدی نینگ کوپه‌یتیریشیچه، چقیریلگن کیشی‌لر سیاسی، اقتصادی و امنیتی تجربه گه ایگه دیر. سعیدی نینگ ایشانچی گه کوره، ویانا ییغینی؛ برچه تامان‌لر اوز فکر_ملاحظه‌لرینی شریک قیلیش اوچون یخشی آدیم دیر.
بیزلرنینگ توییترده هم تعقیب قیلینگ!
برچه‌سی بیلن، اسلامی امارت تشقی ایشلر وزیرلیگی نینگ سرپرستی امیرخان متقی، ویانا ییغینی گه دایر ایتیشیچه، اوشبو ییغین نتیجه‌سیز بولیشی ممکن. او ویانا ییغینیده چقیریلگنلردن مملکت آبادانچیلیگی اوچون افغانستان گه قیتیش‌لرینی طلب قیله‌دی.
ایتیش کیره‌ک که، احمد مسعود، رحمت الله نبیل، داکتر رنگین دادفر سپنتا، زلمی رسول، فضل احمد معنوی، هارون نجفی زاده، میرویس بلخی، شکریه بارکزی، فوزیه کوفی و افغانستان نینگ تانیقلی باشقه سیمالریدن بیرقطاری، ویانا ییغینیده چقیریلگنلردن عبارت دیر.
