اسلام امیرلیگی باش وزیری نینگ ادارین اورین باسری، کابل ده تورکیه ایلچیسی بیلن اوچره‌شگن.

جمهورلیک ریاستی سرای (ارگ) اوز توییتری ده یازیشیچه، دوشنبه کونی، ۴ ثور، اسلام امیرلیگی باش وزیری نینگ اداری اورین باسری عبدالسلام حنفی، کابل ده تورکیه ایلچیسی جهاد ارگینای بیلن اوچره‌شگن.

بیزلرنینگ فیسبوک صحیفه‌میزگه باش اورینگ!

کابل ده تورکیه ایلچیسی، اسلام امیرلیگی بیلن تورکیه مناسبتی نی یخشی بهالب، تورکیه دولتی دنیا همجمعیت و اسلام امیرلیگی اورته‌سیده مناسبت‌لرنی مستحکم‌لش مقصدیده سعی‌وحرکت قیله‌یاتگنیدن ایشانچ بیرگن.

او نینگ کوپه‌یتیریشیچه، تورکیه سوداگرلری و سرمایه یاتقیزووچیلری افغانستان ده صناعت و سوداگرلیک اینیقسه کان‌لرنی قازیب چیقریش بولیم‌لریده سرمایه یاتقیزیش گه علاقه‌مند دیر.

جناب ارگینای گه کوره، تورکیه دولتی و خلقی، اوشبو مملکت ده قانلی زلزله باعث کوپ زیان کورگن بولسه‌لرده، لیکن افغانستان خلقی گه اوز یاردم‌لری گه دوام بیره‌دیلر.

مذکور اوچره‌شووده، اسلام امیرلیگی باش وزیری نینگ ادارین اورین باسری عبدالسلام حنفی، روزه هییت بیرمینی تورکیه دولتی مسئوللری و خلقی گه قوتلوغ بولسین دییش گه قوشیمچه، اسلام امیرلیگی برچه دولت‌لر بیلن اوز مناسبت‌لرینی مستحکم‌لش مقصدیده سعی‌وحرکت قیله‌یاتگنینی ایتگن.

بیزلرنینگ توییترده هم تعقیب قیلینگ!

او نینگ ایشانچی گه کوره، حاضر اولکه ده سرمایه یاتقیزیش زمینه‌سی یره‌تیلگن و اسلام امیرلیگی افغانستان ده سرمایه یاتقیزه‌دیگن خارجی سرمایه یاتقیزووچیلر جمله دن تورکیه سوداگرلری و سرمایه یاتقیزووچیلری دن حمایت قیله‌دی.

مذکور اوچره‌شوو یکونیده، جناب حنفی افغانستان خلقی گه تورکیه دولتی نینگ یاردم‌لری دن منتدارلیک بیلدیریب اوشبو مملکت دن، افغانستان گه انسان پرورلیک یاردم‌لری گه دوام بیریشینی طلب قیلگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام