اسلام امیرلیگی باش وزیرینینگ اقتصادی اورین باسری عبدالغنی برادر، کابل ده قطر ایلچیسی مردف القاشوطی بیلن اوچرهشیب، اقتصادی همکارلیکلر رواجلنیشی و منطقهای موضوعلر توغریسیده صحبت قیلگنلر.
اسلام امیرلیگی باش وزیرینینگ اقتصادی اورین باسرلیگی، بوگون (۱-سرطان/ ۲۲-جون، دوشنبه)، بیر بیانیه ترقهتیب اعلام قیلیشیچه، مذکور اوچرهشوو کابل و دوحه آرهسیدهگی اقتصادی مناسبتلرنی مستحکملش مسئلهلری توغریسیده اوتکزیلگن.
بیانیه اساسیده، اوشبو اوچرهشووده ایکی تامان افغانستان ده قطر دولتینینگ سرمایه یاتقیزیشی، ایکی مملکت آرهسیده اقتصادی همکارلیکلر کوچهیشی و باشقه بیر قطار منطقهای موضوعلر حقیده فکر المشتیرگنلر.
قطر، سونگی ییللرده اسلام امیرلیگی بیلن یقین اقتصادی و سیاسی مناسبت قوریب و دیپلماتیک مذاکرهلرده مهم رول اوینهگن.
