اسلام امیرلیگی باش وزیری نینگ اداری اورین باسری عبدالسلام حنفی، سه‌شنبه کونی، ۲۶ ثور، افغانستان خلق‌ارا کورگزمه‌سی یکونیده، دنیا مملکت‌لریدن افغانستان ده صناعت و سوداگرلیک بولیمیده همکارلیک قیلیش گه قوشیمچه، تریاک اورنیده بدیل ایکین تاپیش اوچون همکارلیک قیلیش‌لرینی طلب قیلگن.
اونگه کوره، دنیا اولکه‌لری پروژه‌لرنی جلب قیلیش و سرمایه یاتقیزیش اوچون دقت قیلمه‌گونچه، مذکور مملکت و جهان بنگی‌وار ماده‌لر معماسیدن قوتیله آلمه‌یدی.
بیزلرنینگ فیسبوک صحیفه‌میزگه باش اورینگ!
اوشبو کورگزمه ده اشتراک ایتگن صناعتچیلر همده صناعت و سوداگرلیک بولیم‌لری مسئوللری، اسلام امیرلیگی دن قیینچیلیک‌لری اینیقسه برق تنقیص‌لیگینی حل قیلیشنی طلب قیلگنلر.
صناعت و کان‌لر اتاقی باشلیغی حمیدالله خادم نینگ ایتیشیچه، افغانستان کان لحاظ دن بای به دولت و استعدادلی ایش کوچی گه ایگه مملکت دیر، قوللب_قوتلنگن تقدیرده تیزلیک بیلن رواجلنیشی ممکن.
افغاستان خلق‌ارا کورگزمه‌سیده اشتراک ایتگن‌لردن باشقه بیرقطاری گه کوره، اوشبو کورگزمه یولگه قوییلیشی اولر اوچون فایده‌سی بولمه‌گن.
افغانی کییم_کیچیک ایشلب چیقرووچی بنفشه ظفری نینگ ایتیشیچه، غرفه‌لر اجاره‌سی بیش مینگ افغانی ایدی؛ بیراق کورگزمه دن یالغیز ایکی مینگ افغانی درآمد قیلگن.
بیزلرنینگ توییترده هم تعقیب قیلینگ!
قالین ایشلب چیقروچی و صادر قیلووچی ایشخانه‌لردن بیری نینگ اعضاسی احسان‌الله گه کوره، مذکور کورگزمه ده یالغیز بیر تخته قالین ساتگن، لیکن محصول‌لری اوچون بازار تاپیش گه اولگورگن.
افغانستان خلق‌ارا کورگزمه تشکیلاتچیلری نینگ ایتیشلریچه، بیر هفته ایچیده قریب ۱۶۰ مینگ کیشی اوشبو کورگزمه‌نی کیلیب کورگن.
