تورت قیزی و بیر اوغلی بولگن کابل شهری ده‌گی معتادلردن بیری عتیق‌الله نینگ ایتیشیچه، نیچه مراتبه درمانلنیشیدن کیین، اقتصادی قیینچیلیک باعث بنگی‌وار ماده‌لرنی مصرف قیلیش گه یوز کیلتیرگن.

عتیق‌الله اسلامی امارت دن، اولکه یشاوچیلری اوچون ایش زمینه‌لری یره‌تیلیشینی طلب قیله‌دی. اونگه کوره: «ایش‌سیزلیک کتته معما دیر و ایش‌سیز کیشی‌لر اقتصادی قیینچیلیک بیلن روپه‌ره بوله‌دی، بو قیینچلیک آدم‌لرنی تورلی خیل بیمارلیکلر گه یولیقتیره‌دی. مین نیچه مراتبه درمان بولدیم، اقتصادی قیینچیلیک باعث قیته دن بنگی‌وار ماده‌لرینی مصرف قیلیش گه مجبور بولدیم، اسلامی امارت دن یشاوچیلر گه ایش زمینه‌لرینی یره‌تیشنی طلب قیله‌میز.»

بیزلرنینگ فیسبوک صحیفه‌میزگه باش اورینگ!

کابل ده‌گی معتادلردن باشقه بیری وحیدالله گه کوره، ۲۰ یاشر دیر و نیچه مرته معتادلرنی درمانلش کسلخانه گه بستر بولگن؛ لیکن ایش‌سیزلیک و قشاق‌لیک باعث، مخدره ماده مصرف قیلیش گه یوز کیلتیرگن.

وحیدالله نینگ ایتیشیچه: «مینی کسلخانه گه آلیب باردیلر، اوییرده دوالندیم ایکی ییل بنگی‌وار ماده‌لر گه یقینلشمه‌دیم، بیراق اقتصادی قیینچیلیک و ایش‌سیزلیک باعث، قیته‌دن بنگی‌وار ماده‌لرینی مصرف قیلیشگه مجبور بولدیم.»

اسلامی امارت باش وزیری نینگ ایکینچی اورین باسری مولوی عبدالسلام حنفی، بوگون کابل ده «خلق‌ارا اوقیتووچیلر کونیدن نشانلش» مراسمیده ایتیشیچه، حاضر مملکت بویلب ۵ میلیون کیشی معتاد دیر که اولردن بیر میلیونی عیاللر و باله‌لر دیر.

جناب حنفی نینگ کوپه‌یتیریشیچه، کوپ سانده‌گی معتادلر تحصیل قیلگن کیشی‌لر دیر.

عین‌حالده، ساغلیق‌نی سقلش وزیرلیگی سوزلاوچیسی شرافت زمان گه کوره، مذکور وزیرلیک معتادلرنی درمانلش مقصدیده سعی و حرکت قیلماقده. «اوشبو وزیرلیک سونگی بیر ییل ده ۲۶ مینگ کیشینی دارو-دواله‌گن و حاضر ۶۰ کسلخانه فعال که مینگلرچه کیشینی دواله‌یدی و بو وزیرلیک معتادلرنی درمانلش مقصدیده سعی و حرکت قیلماقده.»

ساغلیق‌نی سقلش وزیرلیگی نینگ معلوماتی اساسیده، سونگی بیر ییل ده اوشبو وزیرلیک ۲۶ مینگ کیشی نی، معتادلرنی درمانلش اوچون اختصاص بیریلگن ۶۰ کسلخانه ده دارو_دواله‌گن.

بیزلرنینگ توییترده هم تعقیب قیلینگ!

شو بیلن بیرگه، افغانستان ده بیرلشگن ملت‌لر تشکیلاتی نینگ ترقیاتی برنامه‌سی گه کوره، مذکور تشکیلات نینگ بنگی‌وار ماده‌لر و جنایی جرم‌لر گه قرشی کوره‌ش دفتری اویغون‌لیگی بیلن، افغانستان ده معتادلرنی درمانلش اوچون ایکی میلیون دالر یاردم بیره‌دی.

بیرلشگن ملت‌لر تشکیلاتی ترقیاتی برنامه‌سی نینگ کوپه‌یتیریشیچه، بیرلشگن ملت‌لر تشکیلاتی نینگ بنگی‌وار ماده‌لر و جنایی جرم‌لر گه قرشی کوره‌ش دفتری یاردمی بیلن، افغانستان بویلب اینیقسه افغانستان مرکزی، شمالی، غربی و شرقی حدودلریده، معتادلرنی درمانلش ۱۷ مرکز گه دارو، طبی اوسکونه تیارلب و بنگی‌وار معتادلرینی درمانلش مشارکتی آرقه‌لی، ایکی میلیون دالر یاردم بیره‌دی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام