د ګردېز ښاروال مولوي حبيب الرحمن منصور نن (چهارشنبه، د کب ۲۲) د يادو پروژو د چارو پيل مراسمو کې وويل، په دغو دریو پروژو ۱۵۰ زره امريکايي ډالره لګښت راځي.
هغه زياته کړه چې دوه پروژې د ښار په لومړۍ ناحیه کې د زاړه ولايت مخې ته د ۷۰۰ مترو په اوږدوالي د سړک غاړې ويالو پخول دي او دريمه پروژه په څلورمه ناحیه کې د پاکو اوبو يوې شبکې جوړل دي چې ۱۱۰ کورنيو ته به پاکې اوبه برابرې شي.
ورته وخت کې د ګردېز ښار يوشمېر اوسيدونکي په ښار کې د يادو پروژو پيل ته خوښي څرګندوي او غوښتنه کوي چې ښاريانو ته د اسانتياوو په پار بايد ورته نورې پروژې هم تطبيق شي.
د سلاموطندار پښتو فېسبوکپاڼه وڅارئ
ګردېز ښاروال وويل، د يادو پروژو لګښت د «يو اين هبيتات مؤسسې» لخوا ورکول کيږي چې چارې يې نن ورځ عملا پيل شوې.
د ګردېز ښار يو تن اوسيدونکي ګلزار زيارمل وويل چې يادې پروژې به ښاريانو ته اسانتياوې برابرې کړي.
د ګردېز ښار بل اوسيدونکي رحيم هم وويل چې ګردېز ښار پراختيا او ښاريانو ته اسانتياوو په پار په تېرو کلونو کې د پام وړ کار نه دی شوی.
سلاموطندار پر اېکسپاڼه هم وڅارئ
هغه غوښتنه وکړه چې ګردېز ښار پراختيا لپاره بايد حکومت ځانګړې پاملرنه وکړي.
د ګردېز ښاروالي مسولانو وويل چې ځينو مؤسساتو ورسره ژمنه کړې چې په ښار کې به راتلونکی کال ځينې پروژې تطبيق کړي چې ښاريانو ته به اسانتياوې برابرې او د ښار بڼه به ورسره بدلون وکړي.
