د امریکا ولسمشر ډونالډ ټرامپ او د اوکراین ولسمشر ولادیمیر زیلنسکي ترمنځ له لفظي شخړې وروسته، ولسمشر ټرامپ اوکراین ته د پوځي مرستو استول ځنډولي.
رویټرز اژانس نن (سېشنبه د کب ۱۴) د سپينې ماڼۍ د یوه چارواکي په خبره رپوټ ورکړی چې د دې لپاره چې ډونالډ ټرامپ د اوکراین جګړې پایته رسولو کې له مرسته کولو څخه ډاډ ترلاسه کړي، دغه هېواد ته یې د پوځي تجهیزاتو استول بند کړي دي.
د سلاموطندار پښتو فېسبوکپاڼه وڅارئ
د سپينې ماڼۍ دغه چارواکي رویټرز ته ویلي: «ولسمشر ټرامپ په څرګنده ویلي چې د سولې لپاره هڅې کوي. مونږ اړتیا لرو چې متحدان مو هم دغې موخې ته ژمن ووسي. مونږ د حللارې موندلو لپاره د خپلو مرستو ځنډولو او ارزولو په حال کې یو.»
ویل کیږي چې اوکراین سره د پوځي مرستو ځنډولو لپاره د امریکا د ولسمشر پرېکړه به د دواړو هېوادونو ترمنځ اړیکو کې ترینګلتیاووې نورې هم ډېرې کړي.
د امریکا ولسمشر ډونالډ ټرامپ تېره اونۍ ولسمشر ولادیمیر زیلنسکي سره لیدنه کې وویل، اوکراین باید روسیې سره د سولې هوکړه ومني، کنه نو متحده ایالتونه به دغه هېواد سره پوځي مرستې وځنډوي.
د روسیې او اوکراین ترمنځ د نښتو له پیل راهیسې، امریکا اوکراین سره څه باندې ۱۷۵ میلیارد ډالره پوځي مرسته کړې ده.
