د ټاکنيزو کالجونو د رايو پر بنسټ تر اوسه پورې د ډيموکراټ ګوند نوماند جوبايډن ۲۳۸ رايې لاس ته راوړې دي. د جمهوري غوښتونکي ګوند نوماند ډونالډ ټرمپ بيا ۲۱۳ الکټرال رايې اخيستي دي. دغه شمېرې د تغير په حال کې دي.
د ټاکنيزو کالجونو ۵۳۸ رايو له مخې هر نوماند بايد ۲۷۰ رايې وګټي چې د امريکا په ټاکنو کې بريالی شي.
د رايو ورکولو سره هم مهاله د امريکا ولسمشر ډونالډ ټرمپ په يوه خبري ناسته کې وويل چې دی به بريالی شي؛ خو سيال يې جوبايډن هم ويلي چې ټاکنو کې د بریالیتوب په درشل کې دی.
په داسې حال کې چې د امريکا د ولسمشرۍ ټاکنو د رايو ورکولو بهير دوام لري، د امريکا په يو شمېر ايالتونو کې د رايو شمېرنه پيل شوې ده.
ښايي د ټولو رايو د پايلو اعلان څو ورځې وخت ونيسي.
