اختر چې د مسلمانانو له خاصو مناسبتي ورځو څخه دی، په ټولو اسلامي هېوادونو کې د ځانګړو مراسمو په ترڅ کې نمانځل کيږي.
د سلاموطندار راډیو مشرتابه او کارمندان تاسو درنو هېوادوالو او ټولو مسلمانانو ته د اختر مبارکي وړاندې کوي او هیله لري چې له خوښیو ډک اختر ولرئ.
دې سره د اسلامي امارت امنیتي مسوولان د کوچني اختر په ورځو کې د ځانګړو تابیاوو له نیولو سره په ټول هېواد کې د هېوادوالو د امنیت د ټینګښت ډاډ ورکړی.
د چارواکو په خبره، هېچا ته به اجازه ورنهکړي، چې د هېوادوالو امنیت ګډوډ کړي.
امنیتي مسوولان همدارنګه وايي، د ښارونو په سطحه امنیتي چکپاینټونه او سیارې ګزمې زیاتې شوي، ترڅو خلک وکولی شي خوندي فضا کې د اختر ورځې ونمانځي.