د ا.ا ویاند ذ.بېحالله م.جاهد د یکشنبې ورځ رسنیو ته ویلي چې د سرپرست حکومت یو پلاوی به د دوحې په راتلونکې جوړېدونکې غونډه کې ګډون وکړي. د نوموړي په وینا، یاده غونډه د ا.ا په ګټه ده او پلاوی یې تیار دی چې په یاده غونډه کې ګډون وکړي.
د سلاموطندار پښتو فېسبوکپاڼه وڅارئ
که څه هم تراوسه د دوحې غونډې اجندا نهده په ډاګه شوې، خو م.جاهد ویلي چې یاده اجندا یې مطالعه کړې او په خبره یې، د بشري مرستو را ټولول او افغانستان کې د پانګونې برخه یې ډېره مهمه ده.
د سرپرست حکومت د بهرنیو چارو وزارت په دوحې غونډه کې د ګډون په اړه د ملګرو ملتونو د پرلهپسې غوښتنو وروسته ویلي و، د یادې غونډې د اجندا له مطالعه کولو وروسته به پهکې د ګډون او نه ګډون پرېکړه وکړي.
د راپورونو له مخې، د سرپرست حکومت ټینګار دا و چې د دوحې غونډه کې به یوازې د دوی استازی د افغانستان استازولي کوي.
دا د افغانستان په اړه درېیمه غونډه ده چې په دوحه کې جوړېږي او د سرپرست حکومت پلاوي په تېرو دوو غونډو کې ګډون نه و کړی.