د افغانستان بانک وايي چې د افغانیو ارزښت ساتنې او ثبات په موخه سبا چهارشنبه د لیندۍ دویمه د داوطلبۍ له لارې ۱۷ میلیونه امریکايي ډالر د لیلام په توګه بازار ته وړاندې کوي.
د افغانستان بانک هېواد کې پر شرایطو برابر له ټولو خصوصي بانکونو او د پولي او صرافۍ شرکتونو څخه غوښتنه کړې چې په دغه داوطلبۍ کې ګډون وکړي.
په ورته مهال یاد بانک زیاته کړې چې د لیلامۍ ګټونکي باید د لیلام ورځې له پای ته رسېدو مخکې خپل ټول حسابونه تصفیه کړي. د افغانستان بانک له دې وړاندې هم هېواد کې د ډالرو پر وړاندې د افغانیو ارزښت ساتنې په موخه بازار ته ډالر وړاندې کړې دي.
سلاموطندار پر ټوېټرپاڼه هم وڅارئ
دغه بانک همداراز د روانې اوونۍ د یکشنبې پر ورځ د لړم پر ۲۹مه نېټه ۱۵ میلیونه امریکايي ډالر د لیلام په توګه بازار ته وړاندې کړي وو.
