افغانستان کې امنیتي ګواښونو څخه د اندېښنو په دوام د تاجکستان ولسمشر امامعلي رحمان پرون یکشنبه د غبرګولي اتمه افغانستان سره پولې ته نږدې د ختلان ولایت «توس» سیمه کې دوه امنیتي پوستې جوړې کړي دي. د ټولییز امنیت تړون غړیو هېوادونو د دفاع وزیرانو هم افغانستان کې له ترهګریزو فعالیتونو اندېښنه څرګنده کړې ده.
د کورنیو چارو وزارت پر خپله ټوېټرپاڼه لیکلي چې د کابل د دویمې امنیتي حوزې اړوند ملک اضغر څلور لارې کې د پولیسو چکپواینټ ته نږدې موخې ته له رسېدو مخکې د امنیتي ځواکونو له لوري په نښه شوی او وژل شوی دی.
پېښه نن دوشنبه د وري اوومه له غرمې وروسته رامنځته شوې ده. یاده سیمه د بهرنیو چارو وزارت ته په څو قدمۍ کې پرته ده.
په فراه کې یوه امنیتي سرچینه سلاموطندار ته وایي چې پرون له غرمې وروسته د فراه ښار اړوند په «شپلکوه» سیمه کې د وسلهوالو طالبانو یوه نفوذي کس د یوې پوستې ۷ پولیس وژلي دي. د سرچینې په وینا، د وسلهوالو طالبانو دغه نفوذي کس د اوو پولیسو له وژلو وروسته، د پوستې ټول پوځي تجهیزات او وسلې له ځان سره وړي او وسلهوالو طالبانو سره یوځای شوی دی.
د لوګر ولایت یوې امنیتې سرچینې د نوم نه ښودو په شرط سلاموطندار ته ویلي چې نن سهار شاوخوا ۴ بجې د بره کي برک ولسوالي اړوند د«لبجر» امنیتي پوستې له جګړې پرته سقوط کړی او سرتیري یې له وسلو او مهماتو سره یوځای طالبانو ته تسلیم شوي دي. سرچنیه وایي چې بېګاه شپه وسلهوالو طالبانو د محمداغې ولسوالي پر بېلابېلو امنیتي پوستو ډلهییز بریدونه کړي او دواړو لورو ته درنه مرګ ژوبله اوښتې ده.
په فراه کې محلي سرچینې وايي چې د دغه ولایت په بالابلوک ولسوالي کې د ملي اردو یوه پوسته د طالبانو لاس ته ورغلې او لږترلږه ۳۰ سرتېري پهکې وژل شوي دي.
د فراه د ولایتي شورا غړی خیرمحمد نورزي سلاموطندار ته ویلي چې طالبانو سهار وختي شاوخوا ۲ بجې د بالابلوک ولسوالي په شیوان سیمه کې د یوې سمڅې په اېستلو او چاودنې سره د ملي اردو یوه مرکز ته ورغلي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
