نږدې یوه اوونۍ وړاندې اسلامي امارت د کانونو او پټرولیم وزارت د سرپرست شهابالدین دلاور په مشري له هېواد څخه بهر له افغان شخصیتونو سره د اړیکو او راستنېدو کمېسیون جوړ او په رسمي توګه یې خپل فعالیت پیل کړ.
د راپورونو پر اساس، د شیر محمد عباس ستانکزي په مشري د طالبانو د سیاسي دفتر پلاوي د ایران د بهرنیو چارو وزیر جواد ظریف او یوشمېر افغان سیاستوالو سره لیدلي او پر یو لړ موضوعاتو یې خبرې کړي دي.
په داسې حال کې چې امنیتي وضعیت ورځ تر بلې مخ په خرابېدو دی او وسلهوال طالبان هره ورځ د ولسوالیو د نیولو ادعا کوي، د چارو شنونکي وايي چې د طالبانو د مخکې تګ او بریا ستر لامل د دولت او سیاسي مشرانو ترمنځ د یووالي نه موجودیت دی.
د چارو شنونکی فضل رحمان اوریا وايي، په تېرو شلو کلونو کې د دولت او سیاستوالو ترمنځ یووالی نه و او تر دې وروسته دا چاره هم ناشونې ده.
د ملي روغې جوړې عالي شورا رییس عبدالله عبدالله، نن د ۳۰۳ پامیر پخواني قومندان داوود داوود د وژل کېدو د لسم تلین په مراسمو کې د خبرو پرمهال د هېواد په اوسنیو شرایطو اندېښنه څرګنده کړه او وې ویل، په داسې حال کې چې د سولې خبرې ښې پایلې ته نه دي رسېدلي، له هېواده د بهرنیو ځواکونو وتل به پر امنیتي وضعیت ناوړه اغیزې وکړي.
له څه باندې دوو کلونو وروسته پر ټولنیزو رسنیو د ولسمشر محمداشرف غني او د هغه د پخواني لومړي مرستیال او د اسلامي جنبش ګوند مشر عبدالرشید دوستم د لیدنې تصویرونه لاس پر لاس کېږي.
ویل کېږې چې دا لیدنه وړمه شپه په ولسمشرۍ ماڼۍ یا ارګ کې شوې ده. ځینې سرچینې وايي، ولسمشر ته نږدې کسان هڅه کوي چي د بلخ مخکنی والي عطامحمد نور او د اسلامي جمعیت رییس صلاحالدین رباني هم له ولسمشر سره خوشحاله کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
