د کډوالو نړیوالې ورځې سره هممهاله د بښنې نړیوال سازمان له پاکستان غوښتنه کړې چې دغه هېواد کې د افغان کډوالو له ځورونې او نیونې لاسه واخلي.
ملګري ملتونه د کډوالو وضعیت په اړه د عامه پوهاوي لوړولو په موخه هر کال د جون ۲۰مه د کډوالو نړیوالې ورځې په توګه نمانځي.
د بښنې نړیوال سازمان ا.ا د تېرو نږدې دوو کلونو پر مهال پنجشېر کې پر جنګي جرمونو تورن کړی دی.
د بښنې نړیوال سازمان په یوه تازه خپور کړي راپور کې ادعا کړې چې پنجشېر کې د ا.ا ځواکونو د کړنو ۲۹ مورده چې په وینا یې، د جنګي جنایتونو څرګندونه کوي، مستند کړي دي.
د بښنې نړیوال سازمان یو ځل بیا افغانستان کې د ښځو بد وضعیت او ټولنې څخه د هغوی څنګ ته کولو څخه اندېښنه ښوولې.
سره له دې چې تېرو دوو لسیزو کې افغان ښځو سیاسي او ټولنیزو برخو کې نسبي حضور درلود، خو د اسلامي امارت له واکمنېدو وروسته، حکومت او سیاست څخه څنډې ته کړل شوي دي.
د بښنې نړیوال سازمان په ایران کې د روانو اعتراضونو په اړه په یوه راپور کې ویلي چې په روانو اعتراضونو کې تراوسه لږ تر لږه ۳۰ اعتراض کوونکي وژل شوي دي.
د بښنې نړیوال سازمان ټینګار کړی چې د اعتراضونو پرمهال د نورو وژل شویو کسانو په اړه څېړنه کوي او باور لري چې اصلي شمېرې تر دې هم لوړه دي.
د بښنې نړیوال سازمان ویلي چې افغانستان کې د بیان ازادي او د ټولیزې ازادۍ حق په پراخه توګه محدود شوی او هر راز مخالفت په خپلسري، ناقانونه نیونې او له لا درکۍ سره مخ دی. یاد سازمان له اسلامي امارت څخه غوښتنه کړې چې د ناقانونه نیونو بهیر ودروي او د بشر حقونو نړیوال معیارونه رعایت کړي.
بښنې نړیوال سازمان ویلي چې افغانستان کې نجونې له څو میاشتو راهیسې ښوونځي ته د تلو اجازه نه لري او د زدهکړو له بنسټیز حق څخه محرومې شوې دي. د بښنې نړیوال سازمان ټينګار کړی، سربېره پر دې چې په ملي او نړیواله کچه فشارونه راوړل کېږي، خو تراوسه د اسلامي امارت له لوري نجونو ته د زدهکړو اجازه نه ده ورکړل شوې.
د ملګرو ملتونو د بشري حقونو او بخښنې نړیوالو سازمانونو بېلابېلو رپوټونو کې د اسلامي امارت له لورې د بشري حقونو د نقض په اړه اندېښنه ښودلې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
